“Təbii ki, iki sıx qrafiklə oynamaq məcburiyyətində qalmağımız bizim üçün müəyyən problemlər yarada bilər. Ancaq bu əslində normal haldır və biz hər şeyə hazır olmalıyıq”. Bu sözləri Qol.Az-a açıqlamasında “Qarabağ”ın baş məşqçisi Qurban Qurbanov söyləyib.
Dünən Unibank Premyer Liqasının 6-cı turu çərçivəsində AZAL-la qarşılaşan və qolsuz bərabərliyə razılaşan Ağdam klubunun çalışdırıcısı komandasının çoxsaylı qol epizodları yaratmasına rəğmən, rəqib qapısına yol tapa bilməməsinə belə münasibət bildirib: “AZAL heç də asanlıqla yeniləsi rəqiblərdən deyil. Özünüz də bilirsiz ki, bu komanda öz oyununu əsasən müdafiədən qurur. Elə bizimlə qarşılaşmada da eyni vəziyyətin şahidi oldunuz. Belə komandalarla oyunda gərək həddən artıq yaradıcılığa üstün verəsən, ələ düşən imkanlardan maksimum yararlanasan. Futbolçularımız çətin də olsa, rəqib qapısı qarşısında qol vəziyyətləri yarada bilirdi. Lakin təəssüf ki, həmin şanslardan yararlana bilmədik. Futbolçulara hətta fasilədə bir qədər səbrli olmalarını, təmkinlə oynamalarını desəm də, yenə hesabı açmaq cəhdlərimiz fayda vermədi”.
Qurbanovun sözlərinə görə, yaradılan çoxsaylı vəziyyətlərdən istifadə olunmamasına görə, öz futbolçularını qınaması düzgün olmazdı: “Georgi Adamiyanın əlinə düşən hər şansdan yararlanan bir hücumçu olduğunu bilirsiniz. Rauf Əliyev də həmçinin. Yəni onlar fərqlənmək üçün hər şeyi etdilər. Məncə, qol vəziyyətlərinin istifadə olunmamasında rəqib qapıçının daha böyük xidməti oldu. Çünki o, çox ağıllı oynadı, hər dəfə hücumçularımızla üz-üzə qalanda, düzgün mövqe seçdi, əla reaksiyalar nümayiş etdirdi”.
Cari mövsümdə keçirdiyi 4-cü oyunda 2-ci heç-heçəsini rəsmiləşdirən Ağdam klubunun çalışdırıcısı buna görə ciddi narahatlıq keçirmədiyini dilə gətirdi: “Başa düşürəm ki, bu xal itkiləri heç də bizim xeyrimizə deyil, rəqiblərimiz xal fərqini artırırlar. Ancaq buna görə, ciddi narahat olmağa dəyməz. Tezliklə “Qarabağ” da Premyer Liqaya tam uyğunlaşacaq və öz sözünü deməyə başlayacaq. Hər gün uşaqlarla bir yerdəyik, hazırlaşırıq, çatışmazlıqlarımızı aradan qaldırmağa çalışırıq. Hazırda oyun planımızda da müəyyən dəyişikliklərə əl atdığımızdan bu da öz təsirini göstərməkdədir. Bilirsiz ki, Rəşad Sadıqovla Əfran İsmayılov olanda tam fərqli oyun sərgiləyirdik. Ancaq Rəşad hazırda Türkiyə Superliqasında çıxış edir, Əfran isə zədəli olduğundan bizə kömək edə bilmir. Bu üzdən də bir az çətinliklərimiz var. Onların yoxluğu öz sözünü deyir. Amma zamanla bu problemlərimizi də yoluna qoyacağımıza inanıram”.
Qurbanov əvvəlki turlardan təxirə salınan “Gəncə” ilə sentyabrın 22-də keçirəcəkləri oyun haqda da fikirlərini açıqladı: “Gəncə”nin “Bakı” ilə qarşılaşmasını canlı izləmişəm. Deyə bilərəm ki, çox maraqlı komandadır. Həm təcrübəli, həm də cavan oyunçulardan gözəl komanda yaradıblar. Yeni yaranmasına baxmayaraq, sürətli və əks-hücum futbolu sərgiləyən komandadır. Onların bu günə kimi keçirdikləri qarşılaşmalarda uduzmaması bizə çətinlik yarada bilər. Çünki bu, onlarda özünəinamı artırır. “Bakı” kimi komandayla heç-heçə etmələri, “Turan”la son oyunda məğlubiyyətdən yaxa qurtarmaları bu inamı daha da artırıb. Düşünürəm ki, çox maraqlı qarşılaşma olacaq. Oyunçularımız da onları ciddi sınaq gözlədiyini bilirlər və bu üzdən “Gəncə”ylə oyuna yaxşı hazırlaşmalıyıq. Dünənki oyundan sonra komandanı buraxmadıq və bazaya gəldik. Onları yalnız bu gün səhər məşqindən sonra istirahətə buraxdıq. Sabahdan isə yenidən bir araya gəlib, son hazırlıqlarımıza başlayacağıq. İnanıram ki, qarşıdakı oyundan istədiyimiz nəticə ilə ayrıla biləcəyik”.
Aydın finala çıxdı
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu
Con Terri və Endi Koul Premyer Liqanın Şöhrət Zalında
"Bakı Sportinq" "Cəbrayıl"a belə qalib gəldi - Video
Birinci Liqada oyunların vaxtı müəyyənləşdi
Liderlərin oyununda qonaqlar qalib gəldi
Ançelottidən Ardaya şad xəbər
Tuhel bu klubla danışıq aparır
"Mançester Siti"nin Qriliş qərarı
"Bu, futbol dünyası üçün ayıbdır” - Ter Ştegen
"Bavariya" Kloppu gözləyəcək
"Real" azarkeşləri Xavini "Barselona"da qalmağa səslədilər
Azərbaycan millisinin üzvü "Dinamo"ya qarşı oynadı
U-17-nin İnkişaf turniri üçün yekun heyəti açıqlandı
"Zirə"dən 100-cü qələbə
Musa Qurbanlı "Yurqorden"dən ayrılır? - Klubdan açıqlama
Dramatik "El-Klassiko"dan - Video
Xavi "Real"a məğlubiyyətə görə hakimi günahlandırdı
"Qalatasaray"dan ardıcıl 14-cü qələbə
"Real" "Barselona"nı məğlub etdi
İngiltərə kubokunda 2-ci finalçı da bilindi
Azərbaycanın üç boksçusu 1/4 finalda - Avropa çempionatı