"Neftçi" jurnalının yeni sayı işıq üzü gördü

"Neftçi" jurnalının yeni sayı işıq üzü gördü
XƏBƏR 17 Sentyabr 2010 / 16:26 1994
-  A +

"Neftçi" klubunun rəsmi jurnalının yeni sayı işıq üzü görüb. Qol.Az-ın klubun rəsmi saytına istinadən məlumatına görə, jurnalın ideya rəhbəri "Neftçi" PFK-nın prezidenti Sadıq Sadıqov, baş redaktor Mətbuat və İctimaiyyətlə Əlaqələr Departamentinin rəisi Elnur Əşrəfoğludur. Yeni jurnalın əvvəlində ümumilli lider Heydər Əliyevin "Neftçi"yə göstərdiyi diqqət və qayğıdan bəhs edən "Heydər Əliyev və "Neftçi" məqaləsi yer alıb. Dövlət başçısı İlham Əliyevin 2006-cı ildə "Birlik kuboku"nu qazanan flaqman üzvləri ilə görüşü, onlara verdiyi məsləhət və tövsiyələri "Flaqmanın qızıl tarixi" yazısında əksini tapıb. "Futbolumuzun yeni erası" məqaləsində isə Rövnəq Abdullayevin AFFA prezidenti seçilməsindən sonra Azərbaycan futbolundakı inkişaf və yeniliklərdən söz açılır. Jurnalda klub prezidenti Sadıq Sadıqov, futbolçular Paulius Qribauskas və Rəşad Abdullayevin müsahibələri ilə yanaşı, "ağ-qaralar"ın yeni mövsümə hazırlığı, Premyer Liqanın ilk turlarındakı çıxışı, eləcə də uşaq futbolu haqqında məqalələri oxumaq olar. "Neftçi"nin tarixini unutmayan redaksiya heyəti "Rəngarəng tarixin bürünc səhifələri" və Anatoli Banişevskiyə həsr olunmuş "Əfsanəvi "9 nömrə" adlı yazılar da hazırlayıb. "Neftçi"nin yeni jurnalında SSRİ yığmasının korifey qapıçısı Rinat Dasayevlə eksklüziv müsahibə də yer alıb. Jurnalda "ağ-qaralar"ın yeni üzvlərinin təqdimatı və çempionat oyunlarından maraqlı foto-kadrlar verilib. "Neftçi" PFK-nın Mətbuat və İctimaiyyətlə Əlaqələr Departamentində yığılıb, çapa hazırlanan jurnala poster və DVD-disk də əlavə olunub. DVD-diskdə flaqmanın Premyer Liqanın ilk 5 turunda keçirdiyi oyunlardan ən maraqlı fraqmentlərə, həmçinin Avstriyadakı təlim-məşq toplanışı çərçivəsində "Beşiktaş"la yoldaşlıq görüşünə baxmaq mümkündür. Jurnal sabah Tofiq Bəhramov adına Respublika stadionunda gerçəkləşəcək MOİK - "Neftçi"qarşılaşmasında futbol ictimaiyyətinin üzvlərinə, KİV nümayəndələrinə, azarkeşlərə təqdim olunacaq. Yeni dizayna malik "Neftçi" jurnalı ayda bir dəfə çap olunacaq.


Son xəbərlər
27.03.24  21:58

Keyn sağaldı