Unibank Premyer Liqasının geridə qalan 5 turunda məğlub olmayan cəmi 3 klub qalıb ki, onlardan biri də “Gəncə”dir. Lakin liderlər qrupunda qərarlaşan “Xəzər Lənkəran”la “Neftçi”dən fərqli olaraq, gəncəlilər heç qələbə də qazana bilməyib. Bölgə təmsilçisi keçirdiyi 4 oyunun hamısında meydandan heç-heçə ilə ayrılıb. Ən maraqlısı isə, həmin oyunların hamısının 1:1 hesabı ilə başa çatmasıdır. Məhz bu və digər maraqlı məqamlarla əlaqədar “Gəncə”nin baş məşqçisi Fuad İsmayılovla söhbətləşdik. Gəncə klubunun baş məşqçisi Qol.Az-ın müxbiri ilə söhbətində elə ilk olaraq, qələbə həsrətinə son qoya bilməmələri haqda danışdı:
- Biz oyunlara heç-heçə etmək üçün çıxmırıq. Hər bir oyunda əsas məqsədimiz qələbə qazanmaqdır. Amma bu futboldur, hər oyundan qələbəylə ayrılmaq da mümkün deyil. Bunu təsadüf də adlandırmaq olar. Hər halda keçirilən dörd görüşün hamısında heç-heçə qeydə alınıb, hamısı da 1:1 hesabıyla. Görünür nəsə çatışmır ki, qələbə qazana bilmirik. Baxmayaraq ki, qələbə qazanmaq üçün əlimizdən gələn hər şeyi etməyə çalışırıq.
- Sizcə, komandanızın qələbə qazana bilməməsinə nə mane olur, dediyiniz çatışmazlıqlar hansılardır?
- Bilirsiz, biz bütün qarşılaşmalarda hücum futboluna üstünlük veririk, daim qol vurmağa çalışırıq. Amma keçirilən 4 oyunun hamısında cəmi 1 qol vura bilmişik. Elə dünənki “Bakı”yla oyunda da kifayət qədər qol epizodlarımız oldu. Lakin təəssüf ki, futbolçularımız həmin epizodlardan lazımınca yararlana bilmir. Buna da daha çox tələskənlik mane olur. Uşaqlar sanki qol vurmağa, nəticə qazanmağa tələsirlər. Halbuki bir az səbrli davransaydılar, bütün qarşılaşmalarda qələbə qazana bilərdik.
- Bəs, qələbə həsrətinə son qoymaq, belə xal itkiləri ilə üzləşməmək üçün hansı tədbirlər görürsünüz?
- Bu yöndə işlər davam edir. Hər məşqdə futbolçularla söhbətlər edirik, onları təmkinli olmağa, tələsməməyə çağırırıq. Səhvlərimizi araşdırıb, onların təkrarlanmamasına çalışırıq. İnşallah, növbəti oyunlarda qələbə də qazanacağımıza inanıram.
- Komandaya cəlb olunan futbolçuların çıxışı sizi nə dərəcədə qane edir?
- Hamısı təcrübəli, öz işlərini bilər oyunçulardır. Kimdənsə narazı olduğumu deyə bilmərəm. Bilirsiz ki, hər komandanın tam formalaşması üçün müəyyən vaxt lazımdır. Biz də oyundan oyuna artırmaqdayıq. Xətlərarası əlaqə getdikcə düzəlir. Növbəti oyunlarda daha parlaq oyun sərgiləyən “Gəncə” görəcəksiniz.
- Siz əsasən təcrübəli futbolçulara güvənirsiniz? Bu, sırf hazırkı mövsüm üçün nəticə qazanmaq məqsədi daşıyır?
- Düzdür, heyətimizdə təcrübəli oyunçular çoxdur. Amma gənc futbolçularımız da var. Hansı ki, komandanın ötən il birinci diviziondan Premyer Liqaya yüksəlməsində xidmətləri olub. İndi onlardan bəziləri əvəzedici heyətlərin çempionatında top qovsa da, əsas heyətdə oynayanları da var. Gələcək oyunlarımızda digərlərinin də özünü göstərib, əsas heyətə düşməsi mümkündür.
- Ümumiyyətlə, “Gəncə”nin qarşısına cari mövsümdə hansı vəzifələr qoyulub?
- Hər bir komandanın arzusu, məqsədi çempion olmaqdır. Biz də mükafatçılar sırasında yer almağa, ilk “altılığ”a düşməyə çalışırıq.
- Hazırkı heyəti bu vəzifənin öhdəsindən gəlmək üçün yetərli hesab edirsiz?
- Digər klublar kimi güclü transferlər edə bilməmişik. Amma hər halda bu heyətlə də nəticə qazana bilərik. Bu yöndə əlimizdən gələni əsirgəməməyə çalışırıq. İşimizin öhdəsindən nə dərəcədə gəlib-gəlməyəcəyimizi zaman göstərər.
- Qarşıda sizi 4 gün ərzində “Turan”la, eləcə də əvvəlki turlardan təxirə salınmış “Qarabağ”la oyunlar gözləyir. Bu qarşılaşmala hazırlıq necə gedir?
- Hazırda komanda üzvləri bir günlük istirahətə buraxılıb. Futbolçular sabahdan bir araya gələcək. Hər oyuna necə hazırlaşırdıqsa, bu qarşılaşmalara da eyni qaydada hazırlaşacağıq. Məqsədimiz qələbəsizlik sindromuna son qoymaqdır. İnşallah, bunu bacararıq.
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol