21:51
“Axır ki, mən Bakı şəhərində yerləşdim. Son günlər çoxlu problemim vardı. Klub dəyişəndə belə olur. İlk təəssüratım necədir? Yüksək. “Qarabağ” həqiqətən bir ailə kimidir”.
Qol.az-ın xəbərinə görə, bu sözləri “Qarabağ”ın yeni transferi Asmir Beqoviç Bosniyanın “sportsport.ba” saytına müsahibəsində söyləyib.
Bu yaxınlarda İngiltərə Premyer Liqa təmsilçisi “Bornmut”dan icarə qaydasında Ağdam klubuna keçən 32 yaşlı bosniyalı qapıçı deyib: “Bakı da çox gözəldir. Mən inanıram ki, “Qarabağ” mənim həyatımdakı ən gözəl epizodlardan biri olacaq”.
Beqoviç deyib ki, “Qarabağ”a transferi sürətli alınıb: “Başqa klublar da vardı. Amma onu deyə bilərəm ki, “Qarabağ” mənim seçimimdə ən doğru olanı idi. Komanda iddiasına görə də fərqlənir. Bu transfer mənə çox yaxşı göründü. “Qarabağ” yaxşı ənənəsi olan ciddi klubdur. Onlar həmişə titullar uğrunda yarışırlar və Avropa Liqasının qrupunda çıxış edirlər. Mən özümə olan inamımı doğrultmalıyam”.
Beqoviç bildirib ki, klubun iddiası onun qrupda çıxış etməsindən daha vacibdir: “Qrupumuzda “Sevilya”, APOEL və “Dudelanj” da mübarizə aparır. Fikrimcə, onlarla matçda yaxşı nəticələr qazana bilərik. Amma, əlbəttə, bu, asan olmayacaq. APOEL-in “Ayaks”la necə mübarizə apardığını gördük. “Düdelanj” da keyfiyyətli komandadır”.
Beqoviç “Bornmut”dakı durumu haqda da danışarkən son ayların onun üçün xaotik keçdiyini söyləyib: “Orada vəziyyət günbəgün dəyişirdi. Klublar mənimlə maraqlanırdılar. Çalışırdım ki, mümkün olduğu qədər “Bornmut”da deyilənlərə əməl edim. Amma yekunda orda mən əsas heyətdə oynamırdım. Buna görə də gələn təkliflərdən birini qəbul etdim. Mən futbolçu kimi öz hüququmu qorumalı idim. Kimlərsə mənə deyir: “Sən ehtiyatda qalmalı və pulunu qazanmalı idin”. Amma bu, mənə görə deyil”.
Bosniya millisinin baş məşqçisi Robert Prosineçkinin Beqoviçin millidə yenidən oynaya biləcəyinin mümkünlüyü haqda fikirlərinə də toxunan qapıçı bunları bildirib: “Əgər belədirsə, yaxşıdır. Mən milliyə qayıtmaq istəyirəm. Milli komandanın qapısını bağlamamışam. Komandamıza hər zaman kömək etmək istəyirəm. İndi ən vacibi isə millinin əvvəli gücünə qayıtmasıdır. Heyf ki, Ermənistana uduzduq. Amma bu, futbolda olan şeylərdir”.
_22.01.19.jpg)
Ronaldodan 700-cü qol
Fransa - Türkiyə: Video
Millimizin son məşqi - Şəkillər
"Tottenhem" sabiq qapıçısı ilə müqavilə imzaladı
Fransa - Türkiyə: Heyətlər
PSJ-də Neymar şoku
"Qəbələ"də yeni məşqçi - Rəsmi
Salah və Alisson "Mançester Yunayted"ə qarşı oynayacaq?
"Qarabağ"ın legioneri sıradan çıxdı
"Lion"da yeni baş məşqçi
Hansı oyun, hansı kanalda? - Avro-2020
Türkiyə millisinin üzvü karyerasını başa vurdu
Fransa - Türkiyə oyununun ləğvi tələbi
"Barselona"dan Fatiyə yeni müqavilə təklifi
“Roma” Cengizə cəza verməyəcək
FIFA referimiz "Yuventus"un oyununda
Həbib növbəti rəqibini açıqladı
Çex hokkeydə debüt etdi - Şəkillər
Slavçev ingilislərlə oyunu da buraxır?
