Milli komandamızın yarımmüdafiəçisi Qara Qarayev Avro 2020-nin seçmə mərhələsində evdə Macarıstan millisinə 1:3 hesabı ilə uduzduqları matçdan sonra jurnalistlərin suallarını cavablandırıb.
Qol.az-ın məlumatına görə, o, əvvəlcə matç haqda danışıb.
- Hansı komanda ilə oynadığımızı bilirdik. Macarıstan millsi elə də sadə, asan bir rəqib deyil. Çətinliyini bilirdik, amma ümidimiz var idi ki, bu oyunda yaxşı nəticə qazanacağıq. İlk dəqiqələrdə qol buraxdıq. Bu da istər-istəməz rəqibin daha yaxşı oynamasına şərait yaratdı. Əlimizdən gələni etdik. İkinci hissədə hesab arasındakı fərqi azaltdıq. Amma bundan artığına gücümüz yetmədi.
- Meydanda sanki lider çatışmırdı, həm də qrup yox idi. Rəşadlı milli komanda ilə Rəşadsız milli arasında fərq hiss olunur?
- Rəşad Sadığov həmişə milli komandamızda önəmli oyunçulardan biri olub. Amma bu gün bu, o yoxdur, onun yerinə oynayanlar daha pisdir deyə düşünməyə əsas verməməlidir. Rəşad yaşı ilə əlaqəli nə vaxtsa milli karyerasını bitirməli idi. Maksim də komandaya pis liderlik etmir.
- Səncə, Macarıstan millisindən xal almaq olardı? Nə çatışmadı?
- Əslində, ümidlənmişdik. Rəqibin həqiqətən də, yaxşı oyunçuları var. Bu da oynuun taleyini həll etdi. Biz meydana uduzmağa çıxmırıq. Biz də istəyirik ki, xal qazanaq. Amma istəsək də, alınmır.
- Rəqib ikinci qolu vuranda komandanın müdafiə xəttində nə baş verdi?
- Müdafiəmizin önünə ötürmə verildi, rəqib yenə də qol vurdu.
- Bu məğlubiyyətdən 3 gün sonra Slovakiya millisi ilə görüşünüz var. vaxt da azdır. İnam və fiziki cəhətdən necə hazırlaşacaqsınız?
- Hazırlaşmalıyıq. Başqa yolumuz yoxdur. Çıxıb, oynamalıyıq. Bu gün uduzduq, hər şey bitdi demək deyil. Bizim üçün çətindir. Bu qədər azarkeşin qarşısında məğlub olmaq, xal qazanmamaq bir insan, vətəndaş kimi mənə də ağırdı. Həmçinin komanda yoldaşlarıma da pis təsir edir. Amma başqa nə edə bilərik?
- Slovakiya millisinə qalib gəlmək realdırmı?
- Bu qrup o qədər çətin bir qrupdur ki, bir zəif bizik. Bunu bəhanə üçün demirik. Amma həqiqətən də, qrupun favoriti biz deyilik, axırıncı yer üçün vuruşuruq.
- Bəs, qrupdakı bütün 8 oyunda məğlub olmaqdan qorxursunuz?
- Real danışaq, qəbul edək. Fikir versək, görərik ki, son 2 qarşılaşmada xal almağa çox yaxın olmuşuq. Son anda rəqibin ustalığı, oyunçuların keyfiyyəti nəticəni həll edir. Ona görə də, danışılacaq bir şey yoxdur.
- Azarkeşlərin bu gün məğlub olmusunuz deyə bundan sonra oyuna gəlməyəcəklərini düşünürsən?
- Azarkeşlərə xüsusilə təşəkkürümü bildirirəm. Uzun müddətdir ki, milli komandamızın matçlarında belə bir atmosfer görmürdük. Sağ olsunlar ki, bu gün bunu bizim üçün yaratdılar. Düzdür, qarşılığını verə bilmədik. Nailiyyət, uğur qazanmadıq. Amma bu komanda onlarındır. Biz olduq, olmadıq, komandanın hər zaman onların dəstəyinə ehtiyyacı var.
"Latsio"da yeni baş məşqçi
"Bakı Sportinq" - "Lerik" oyunundakı 5 qol - Video
"Turan Tovuz"un legioneri milliyə dəvət aldı
Tanınmış klubun 4 xalı silinir
"Şahdağ Qusar"ın qələbəsi - Video
Futboldan ömürlük uzaqlaşdırıldılar - AFFA-dan sərt qərar
Yassin Benzia 5 il yarımdan sonra milliyə çağırıldı
"Şahdağ Qusar" və "Bakı Sportinq"dən qələbə
"Neftçi" - "Spartak" matçının biletləri satışda
"Juninyonu "Qarabağ"da saxlamaqda çətinlik çəkəcəyik"
Azərbaycan millisinin oyunlarına hakim təyinatları açıqlandı
Lunyov Rusiya yığmasının düşərgəsinə qoşuldu
"Frayburq"da Ştrayx dövrü başa çatır
Ançelotti Arda Güleri təriflədi
İnfantino Türkiyə Superliqasındakı qalmaqaldan danışdı
"Neftçi" - "Spartak" oyununun saatı açıqlandı
"Turan Tovuz" - "Qarabağ" matçını nə qədər azarkeş izləyib?
Kovaçı Hasenhyüttl əvəzlədi
“Qarabağ”dan 21-ci əsrin rekordu
"Traktor" növbəti qələbə ilə 3-cü pilləyə yüksəldi
Coşqun oynadı, "Ümraniyespor" qələbə qazandı
"Bayer" seriyanı davam etdirdi, yeni rekorda imza atdı
"Mançester Yunayted” “Liverpul”u kubokdan kənarlaşdırdı
Rahilin komandasından heç-heçə
Musanın komandası finala yüksəldi
"Sabah"ın səfər qələbəsi - Video
"Bunu oturub, başbilənlər fikirləşməlidir" - Samir Abasov