Ədilxandan rekord

Ədilxandan rekord
ÖLKƏ FUTBOLU 15 Aprel 2019 / 13:36 2533
-  A +

“Səbail”: 5, 10, 15

Azərbaycan Premyer Liqasının 24-cü turu “Səbail” üçün yubileylərlə əlamətdar olub.

Qol.az PFL-in saytına istinadən xəbər verir ki, öz meydanında “Neftçi” ilə 2:2 hesablı heç-heçə edən Aftandil Hacıyevin komandası Premyer Liqada 10-cu dəfə bərabərliyə imza atıblar. Yubiley heç-heçəsi 52-ci qarşılaşmada qeydə alınıb. Bu, paytaxt təmsilçisinin öz meydanında 5-ci sülhü olub. Doğma divarlar arasında 26-cı matçını keçirən komanda həm də evdə 15-ci qolunu vurub. Yubiley qoluna Ağabala Ramazanov imza atıb.

Abbasovla Ramazanov üçün eyni göstərici

24-cü tur iki futbolçunun Azərbaycan çempionatlarında yubiley qolu ilə yadda qalıb. Hər iki oyunçu “Səbail” – “Neftçi” qarşılaşmasında fərqlənib. İlk qolu vuran Mirabdulla Abbasov özünün Premyer Liqada 20-ci qoluna imza atıb. O, bu rəqəmə 79-cu matçda çatıb. Hücumçu bu qollardan 12-nə (52 oyun) indiki komandasında imza atıb. Oyunun gedişində meydan sahiblərini önə çıxaran Ağabala Ramazanov da 20-ci qolunu vurub. O, 139-cu matçında buna nail olub. Forvard indiki klubunda keçirdiyi 20-ci oyunda 5-ci qola imza atıb.

Mövsümdə yeni rekord

“Səbail”in futbolçusu Ədilxan Qarəhmədov bu mövsüm qol vuran ən gənc futbolçu olub. Azərbaycan Premyer Liqasının 24-cü turunun “Neftçi” ilə oyununda (2:2) fərqlənən futbolçu 17 yaş 313 günlüyündə qol sevinci yaşayıb. 2001-ci il iyunun 5–də anadan olan gənc oyunçu mövsümün rekordunu 2 il 79 gün yeniləyib. Bu matçadək rekord 20 yaş 27 günlüyündə qol vuran Anton Krivotsyuka məxsus idi. “Neftçi”nin futbolçusu “Keşlə”ylə 2018-ci il sentyabrın 16-da keçirilən görüşündə rəqib qapısına yol tapmışdı.

 

Daha çox


Son xəbərlər
19.07.19  11:50

"Roma"dan yeni transfer

19.07.19  10:30

UEFA-nın yeni reytinqi