"Bakı", "Neftçi" klublarının sabiq baş məşqçisi, son olaraq birinci divizionda "Turan Tovuz"u çalışdırmış Əsgər Abdullayev Qol.az-a müsahibə verib. Topaz Premyer Liqada "Neftçi" və "Qarabağ" arasında gedən çempionluq yarışını dəyərləndirən təcrübəli mütəxəssis milli komandamızın Xorvatiya və Litva ilə oyunlarına da toxunub.
- Əsgər müəllim, "Turan Tovuz"dan ayrıldıqdan sonra işsizsiniz. Təklif yoxdur?
- Açığı, elə bir təklif yoxdur. Hələ gözləyirəm ki, nə vaxtsa nəsə olacaq. Hər bir adam işləmək istəyər.
- Divizion, yoxsa Premyer Liqa klublarından təklif gözləyirsiniz?
- Hansı olur olsun, mənim üçün fərqi yoxdur. Çünki həm Premyer Liqa, həm də divizionda işləmiş adamam. İşləmək mənim üçün problem olmamalıdır.
- Sizcə, son illər ölkə futbolunda nisbətən yaşlı, təcrübəli mütəxəssislərin kənarda qalması nə ilə bağlıdır? Niyə onlara şans verilmir?
- Mən də bunun səbəbini bilmirəm. Öyrənə bilsək, bir-birimizə deyərik (gülür).
- Premyer Liqanı izləyirsiniz?
- Elə də yox. Düşəndən-düşənə baxıram. O qədər də izləmirəm.
- Niyə? Maraqsızdır?
- Yox, maraq məsələsi deyil. Vaxtla əlaqəlidir. İmkan tapdıqca, oyunlara baxıram.
- Amma yəqin ki, çempionatdakı ümumi mənzərədən, turnir cədvəlindən məlumatınız var...
- Bilirsiniz, biri var, insan özü görsün, biri də var ki, ona kimsə danışsın. Kiminsə sözünü demək istəmirəm. Özümdə dəqiq məlumat olmadığı üçün hansısa komanda haqqında danışmağım düzgün olmaz.
- Bu mövsüm çempionluq mübarizəsi "Neftçi" və "Qarabağ" arasında gedir ki, bunu istənilən futbol adamı bilir...
- Hə, bu, aydın məsələdir. Əsas mübarizə iki komanda arasında gedir. Səhv etmirəmsə, öz aralarında oyunları da var. Son matç olsa da, məncə, çempionluğa təsir edə biləcək əsas amillərdən biridir.
- Yəni, deyirsiniz ki, intriqa son tura qədər davam edə bilər?
- Məncə, qala bilər. Hər iki komanda birinciliyə layiqdir. Hələ çempionatın əvvəlindən birinci-ikinci yerdə gedirlər. Amma oyundan oyuna fərq var. Qabaqcadan nəsə demək olmaz. Fikrimcə, hər şey öz aralarındakı son matçda bilinəcək.
- Milli komandamızın oyunlarını necə, izləyə bildiniz?
- Bəli, baxdım. Xorvatiya ilə görüşdə komanda ən azından döyüşdü. Bir çoxları başqa nəticə gözləyirdi. Xorvatiya son dünya çempionatında ikinci yeri tutmuş komandadır. Deyirdilər, belə edəcəklər, elə edəcəklər. Mən isə ilk gündən inanırdım ki, böyükhesablı məğlubiyyət olmayacaq, milli komandamız layiqli oynayacaq. Elə də oldu, sona qədər mübarizə apardılar. Hətta hesabda irəlidə idik. Daha ayıq oynasaydıq, nəticə bundan da yaxşı ola bilərdi.
- Litva ilə heç-heçə etdiyimiz oyun barədə nə deyə bilərsiniz?
- Məncə, Xorvatiya ilə oyun bəzi futbolçularımızın başını gicəlləndirdi. Litvanı asanlıqla udacaqlarını düşündülər. Əslində isə asan heç nə yoxdur. Buna görə də hər bir oyunun öz hazırlığı var. Futbolçu bütün oyunlara ayrıca hazırlaşmalıdır. Həmişə deyirəm ki, rəqibi reytinqlərə bölməyin. Bu amil komandaya öz mənfi təsirini göstərir. Özünə güvənmək yaxşı şeydir, amma özündənrazılıq olmamalıdır. Bu oyun hər bir futbolçu üçün dərs olmalıdır. Arxayınlıq özünü mütləq göstərməli idi.
- AFFA isə Xorvatiyaya məğlubiyyət və Litva ilə heç-heçəyə görə futbolçulara mükafat verdi. Son olaraq, buna da münasibətinizi bilmək maraqlı olardı...
- Fikrimcə, bunun iki tərəfi var. AFFA, birincisi, futbolçularımız Xorvatiya ilə matçda bütün azarkeşləri, Avropanı stresdə saxladıqları, sonadək döyüşdükləri, ikincisi isə komandanı gələcək oyunlara motivasiya etmək üçün onları mükafatlandırdı.
Elnur SALAHOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın