"İlk epizodda qol vurmalı idim" - Ramil Şeydayev

"İlk epizodda qol vurmalı idim" - <b style="color:red">Ramil Şeydayev</b>
ÖLKƏ FUTBOLU 22 Mart 2019 / 03:32 6709
-  A +

"Məğlub olduq. Fərqi yoxdur ki, rəqib dünya çempionatının gümüş medalçısıdır və ya başqa komandadır. Sədəcə, yenildik və hesabımızda xal yoxdu. Bu, bizim üçün üzücüdür".

Bu sözləri Azərbaycan millisinin futbolçusu Ramil Şeydayev Avro-2020-nin seçmə mərhələsinin ilk turunda səfərdə Xorvatiyaya 1:2 hesabı ilə məğlub olduqları oyun barədə danışarkən deyib.

Görüşdə hesabı açan 23 yaşlı hücumçu qol vurmamışdan öncə də şansının olduğunu, ancaq yararlana bilmədiyini söyləyib: "İlk epizodda rəqib qapısına yol tapmalı idim. Ancaq bunu etsəydim, ola bilər ki, qol vurduğum epizod olmaya bilərdi. Vurduğum qol yaxşı alınsa da, nəticə gətirmədi. Şadam ki, yenə qol vura bildim. Ancaq bu əvvəlki 3 qolumdan fərqli olaraq nəticə gətirmədi. Birinci hissənin bitməsinə 1 dəqiqə qalmış qol buraxdıq".

O, matçda meydandan bir xalla ayrılmaq ehtimallarının olduğunu vurğulayıb: "Məğlubiyyətə layiq olub-olmadığımızı demək çətindir. Əlbəttə, dünyanın ikinci komandası ilə görüşdə bütün oyunboyu müdafiə olunmaq asan deyil. 90 dəqiqə müdafiə olunduq, iki qol imkanımız oldu".  

Şeydayev qarşılaşma başa çatandan sonra rəqibin heç bir oyunçusu ilə forma dəyişdirmədiyini deyib: "Bu, mənlik deyil" (sportnet.az).

 

Daha çox


Son xəbərlər
25.04.19  22:00

Sarri cərimələndi

25.04.19  17:29

Robben qayıtdı

25.04.19  00:58

Derbini "Siti" qazandı

25.04.19  00:40

“Bavariya” finalda