"Azərbaycan millisində oynamaq barədə danışmaq tezdir" - Ozobiç

"Azərbaycan millisində oynamaq barədə danışmaq tezdir" - Ozobiç
ÖLKƏ FUTBOLU 20 Mart 2019 / 20:39 3570
-  A +

"Azərbaycan millisinin ən yaxşı futbolçusu Riçard Almeydadır. O, mənimlə "Qarabağ"da oynayır. Almeyda yarımmüdafiədə çox yaxşıdır. O, oyuna əla nəzarət edir, yaxşı ötürmələr verir. Azərbaycan yığmasının oyunu onun ətrafında olur. Ramil Şeydayevi isə yaxşı tanımıram. Ona görə onun haqda çox danışa bilməyəcəm".

Qol.az-ın məlumatına görə, bu sözləri "Qarabağ"ın futbolçusu Filip Ozobiç deyib.

Ölkəsinin mətbuatına danışan xorvat oyunçu millimizin Avro-2020-nin seçmə mərhələsində Xorvatiyaya qarşı keçirəcəyi matç haqda da danışıb: "Bütün azərbaycanlı futbolçular bilirlər ki, Xorvatiya aşkar favoritdir. Buna görə də belə komandalarla oynamaq onlar üçün yaxşıdır. Mən "Qarabağ"dakı komanda yoldaşlarımla bu oyun haqda az danışmışam. Xorvatiyada hansı futbolçuların oynadığı hamıya məlumdur. Buna görə heç bir təfərrüat soruşmurlar".

F.Ozobiç millimizin yeni baş məşqçisi Nikola Yurçeviç və köməkçisi Mario Tokiçlə Azərbaycanda görüşdüyünü söyləyib: " Biz də danışmaq üçün az vaxt var idi. Amma növbəti matçlarda yenidən görüşməklə bağlı razılaşmışıq.

Xorvatiya millisinin oyunçuları məndən Azərbaycan haqqında soruşublar? Mən daha çox gənclər yığmasında oynamışam. Heç kim mənə bununla bağlı müraciət etməyib".

27 yaşlı yarımmüdafiəçi milimizin zəif tərəfləri haqda da danışıb: "Bu barədə danışmaq çətindir. Çünki baş məşqçi yenidir. Baxaq, Yurçeviç Azərbaycanı hansı üslubda oynadacaq".

Ozobiç Azərbaycan yığmasında oynamaq istəyib-istəmədiyi ilə bağlı sualı isə belə cavablandırıb: "Mən Azərbaycanda artıq üçüncü ildir oynayıram. Bu barədə danışmaq tezdir. Azərbaycan pasportu almaq üçün 5 il o ölkədə olmalıyam. Nələr olacağını gələcəkdə birlikdə görəcəyik".

Daha çox


Son xəbərlər