“Səbail”in kapitanı Rahid Əmirquliyev Qol.az-a müsahibə verib. Milli komandaya dəvət almamasından danışan təcrübəli yarımmüdafiəçi dünyaca məşhur futbolçu Maykl Esyenin paytaxt klubuna keçidinə də münasibət bildirib.
- Ötən tur Topaz Premyer Liqada üçüncü dövrəyə yekun vuruldu. “Səbail”in qış fasiləsindən sonrakı çıxışını necə qiymətləndirirsən?
- Deməzdim ki, 3-cü dövrə pis keçdi. Təlim-məşq toplanışında yaxşı hazırlaşmışdıq. Ən azından 3-cü pillədəki mövqeyimizi qorumaq istəyirdik. Şükürlər olsun, hələ istədiyimiz yerdəyik. Düzdür, üçüncü dövrədə məğlubiyyətlər də oldu. Amma ümumi götürəndə, çempionatın bu hissəsi bizim üçün yaxşı keçdi.
- Bu mövsüm qarşıya Avroliqa hədəfi qoyduğunuz bəllidir. Avrokuboklara vasiqə qazanmaq üçün cəmi 1 dövrə qalıb. Necə düşünürsən, bunun öhdəsindən gələ biləcəksiniz?
- Doğrudan da Avroliqaya düşmək üçün yaxşı şansımız var. Ancaq onu da deyim ki, 3-cü yeri qorumaq bizim üçün çətin olacaq. Çünki qarşıda ağır oyunlarımız qalıb. Buna baxmayaraq, Avroliqaya getməyi çox istəyirik. Əlimizdən gələni edəcəyik ki, çempionatı ən azından elə 3-cü pillədə başa vuraq.
- İki tur bundan əvvəl vəziyyətiniz daha yaxşı idi. "Qəbələ"ni 6 xal qabaqlayırdınız. İndi isə cəmi 2 xallıq fərq var...
- Düzdür, 2 tur əvvəl xal fərqi 6 idi. Amma son 2 görüşdə məğlub olduq. Özü də ki, əsas rəqibimiz olan “Qəbələ”yə uduzduq. Bununla belə, hələ də 3-cü yerdəyik. Razıyam, 2 xallıq fərq azdır. Qabaqda bir neçə oyunumuz var. Çalışacağıq ki, xal fərqini qoruyub saxlayaq.
- Son turda “Qarabağ”a qarşı yaxşı oynasanız da, sonda uduzdunuz. Xal və ya xallar qazanmağınıza nə mane oldu?
- “Qəbələ”yə məğlubiyyətdən sonra “Qarabağ”a qarşı yaxşı oyun sərgiləyib, ən azı 1 xal götürmək istəyirdik. Təəssüf ki, alınmadı. Yaxşı oynasaq da, xal qazana bilmədik. Yaratdığımız qol epizodlarından istifadə edə bilməməyimiz sonda məğlubiyyətə gətirib çıxardı. Məncə, “Qarabağ” öz təcrübəsi hesabına qalib gəldi. Amma çempionat davam edir. Gələn oyunlarda daha yaxşı çıxış edib, istədiyimiz xalları yığmaq istəyirik.
- Son vaxtlar yaxşı formada olsan da, milli komandadan kənarda qaldın. Nikola Yurçeviçin seçimi səni təccübləndirmədi?
- Milliyə dəvət almaq, komandanın düşərgəsində olmaq hər bir futbolçunun arzusudur. Ancaq baş məşqçimiz hazırkı futbolçulara üstünlük veribsə, qərara hörmətlə yanaşmaq lazımdır. Millidən dəvət gözləmək üçün bundan sonra da yaxşı formada olmalıyam.
- Üç gün sonra millimiz AÇ-2020-nin seçmə mərhələsinin ilk turunda səfərdə Xorvatiyanın qonağı olacaq. Həmin oyundan nə gözləyirsən?
- Son səfər oyunumuzda Xorvatiyaya 0:6 hesabı ilə uduzmuşduq. Ancaq daha sonra həmin rəqiblə evdəki matçımız 0:0 başa çatmışdı. Xorvatiya çox güclü komandadır, yaxşı heyəti var. Səfərdə oynayacağıq. Ona görə də bizim üçün çox çətin qarşılaşma olacaq. Düzdür, oradan 1 xalla qayıda bilsək, bizim üçün əla nəticə olar. Ancaq bu, çox çətin məsələdir. Futbolda hər şey ola bilər. Bizə qalan odur ki, millimizə inanaq. Ümid edək ki, səfərdə yaxşı oyun göstərib, vətənə ən azı 1 xalla dönərlər.
- Son olaraq, dünyaca məşhur futbolçu, vaxtı ilə “Çelsi”, “Real”, “Milan” kimi klublarda oynamış Maykl Esyenin transferinə münasibətini bilmək istərdim. Səncə, 36 yaşlı yarımmüdafiəçi “Səbail”ə nə verə bilər?
- Hamı bilir, Esyen necə futbolçu olub, hansı klublarda çıxış edib. Onunla bir klubda oynamaq başqa hissdir. Çox təcrübəli futbolçudur. İnanıram ki, yaşının çoxluğuna baxmayaraq, təcrübəsi bizə çox kömək olacaq. Xüsusən də bizim gənc futbolçulara. Düşünürəm ki, Esyenin “Səbail”ə xeyiri dəyəcək.
Elnur SALAHOV
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik