“Nə "Neftçi", nə də "Qarabağ"a kömək etmək fikrimiz var" - Rauf Əliyev

“Nə "Neftçi", nə də "Qarabağ"a kömək etmək fikrimiz var" -  <b style="color:red">Rauf Əliyev</b>
ÖLKƏ FUTBOLU 15 Mart 2019 / 22:32 2303
-  A +

“Hazırda “Neftçi” çempionluğa oynayan komandadır. Onlardan 1 xal almaq bizim üçün yaxşı nəticədir. Artıq “Səbail”ə yaxınlaşırıq. 2 xal fərqimiz var. Bu səbəbdən nəticə bizim üçün normaldır”.

Qol.az-ın məlumatına görə, bu sözləri "Qəbələ"nin futbolçusu Rauf Əliyev Topaz Premyer Liqanın 21-ci turunda "Neftçi" ilə bərabərə qaldıqları oyundan (1:1) sonra jurnalistlərə açıqlamasında deyib.

O, oyunun sonlarında komandasının yorulduğunu söyləyib: “Daha çox əks-hücumlara çıxırdıq. Çox qaçırdıq, mübarizə aparırdıq. Ona görə son dəqiqələrdə komandamızda yorğunluq hiss olundu. Bəlkə, matçın sonlarında daha dəqiq oynasaydıq, əks-hücumlarda “Neftçi”ni yaxalaya bilərdik. Nəticə ədalətlidir”.

30 yaşlı hücumçu əsas məqsədlərinin “Səbail”i keçmək olduğunu bildirib: “Bu gün nə “Neftçi”, nə də “Qarabağ”a kömək etmək fikrimiz var. Heç kim başqa məqsəd üçün meydana çıxmır. Bu gün də meydana çıxıb, xalımızı aldıq. Bizim əsas fikrimiz “Səbail”ə yaxınlaşmaq, onları keçməkdir”.

R.Əliyev milli komandamızın baş məşqçisi Nikola Yurçeviçin yığmaya “Qəbələ”dən futbolçu dəvət etməməsinə də münasibət bildirib: “Milliyə çağırılmaq mövzusu elə bir şeydir ki, heç kim bir söz deyə bilmir. Baş məşqçi belə qərar verib, çağırmayıb. Heç kim dəqiq bilməz ki, nəyə görə çağırmayıb. Yəqin ki, komandamızdan heç kim onu qane etməyib. Heyətimizdə milli səviyyəsində çox futbolçu var. Ümid edirəm, gələcəkdə yenidən millidə olacaqlar”.

 

Daha çox


Son xəbərlər
24.05.19  16:28

Venger qayıdır

24.05.19  15:06

Runi məşqçi olacaq

24.05.19  08:00

Ağdamdan Ankaraya...

24.05.19  01:57

Robben "Lester"də?