“Səhvlərimizdən nəticə çıxarmalıyıq” - Mbodj

“Səhvlərimizdən nəticə çıxarmalıyıq” - <b style="color:red">Mbodj</b>
ÖLKƏ FUTBOLU 15 Mart 2019 / 22:06 1505
-  A +

“Bu oyunu udmaq istəyirdik. Təbii ki, 1 xal qazandığımız üçün xoşbəxt deyilik. Bu nəticə bizi qane etmir. Qələbə qazanmaq üçün əlimizdən gələni etdik, ancaq hər şey Tanrının əlindədir və o istədi ki, bu gün heç-heçə olsun. Oyundakı səhvlərimizdən nəticə çıxarmalıyıq”.

Qol.az-ın məlumatına görə, bu sözləri "Neftçi”nin futbolçusu Mamadu Mbodj Topaz Premyer Liqanın 21-ci turunda evdə "Qəbələ" ilə bərabərə qaldıqları oyundan (1:1) sonra jurnalistlərə açıqlamasında deyib.

O, qol vurduğu üçün sevincli olduğunu söyləyib: "Bu gün qol vurduğum üçün sevinirəm. İkinci məsələ isə vurduğum qolla komandama kömək etdim. Bu qol bizə qələbə gətirsəydi, daha çox sevinərdim. Litvada oynayanda ilk mövsümümdə 6 qol vurmuşdum. Amma təbii ki, mən bura qol vurmaq üçün gəlməmişəm. Mənim burada əsas məqsədim müdafiədə komandama kömək etməkdir”.

26 yaşlı müdafiəçi çempionatda güclü rəqabət olduğunu bildirib: “Son oyunlardakı nəticələr onu göstərir ki, Azərbaycan Premyer Liqası kifayət qədər güclü turnirdir və hər bir klub yaxşı mübarizə aparır. Bütün komandalar bir-birindən xal almağa qadirdir. Biz bunu nəinki öz oyunlarımızda, “Qarabağ”ın oyunlarında da görürük”.

M. Mbodj komandaya tez adaptasiya olmağına da toxunub: “Qışda gəlməyimə baxmayaraq, komandaya adaptasiya olmağım heç də çətin olmadı. Çünki bütün komanda, məşqçi, inzibati heyət hər şeyi edirdi ki, mən tez bir zamanda bura uyğunlaşım və bu da öz nəticəsini göstərdi”.

 

Daha çox


Son xəbərlər
24.05.19  16:28

Venger qayıdır

24.05.19  15:06

Runi məşqçi olacaq

24.05.19  08:00

Ağdamdan Ankaraya...

24.05.19  01:57

Robben "Lester"də?