“Doğru addım atdığımı düşünürəm” - Aqolli

“Doğru addım atdığımı düşünürəm” - <b style="color:red">Aqolli</b>
ÖLKƏ FUTBOLU 15 Mart 2019 / 20:13 2864
-  A +

"Qarabağ”dan ayrılan Ansi Aqolli Topaz Premyer Liqanın 21-ci turunun “Səbail”lə oyunundan (2:1) sonra jurnalistlərin suallarını cavablandırıb. Qol.az-ın məlumatına görə, albaniyalı müdafiəçi əvvəlcə təəssüratlarını bölüşüb.

- “Qarabağ”da vida oyununuz idi. Meydana çıxmadınız, komandanız qalib gəldi. Təəssüratlarınızı bilmək maraqlı olardı...

- Qələbə hər zaman xoşdur. Amma xüsusilə bu məqamda “Qarabağ”dan qələbə ilə ayrılmaq ikiqat sevindiricidir. Bugünkü 3 xal mənə daha yaxşı əhval-ruhiyyə verdi.

- Bu gün oynamadığınız üçün üzülmədiniz?

- Xeyr, buna görə məyus olmadım. 317 dəfə “Qarabağ”ın forması ilə meydanda olmuşam. Bu, mənim üçün hər şey deməkdir.

- Təkcə ailənizə görə “Qarabağ”dan ayrılırsınız, yoxsa başqa səbəb də var?

- Təbii ki, ailə amili böyük rol oynayır. Onlar ABŞ-da yaşayır. Ona görə də həyatımla bağlı düzgün qərarlar qəbul etməliyəm. Bu baxımdan, doğru addım atdığımı düşünürəm. Bir gün elə, bir gün belə, həyat davam edir. İstəməsən belə, hərdən bəzi şeyləri etmək məcburiyyətində qalırsan. Nəyinsə başlanğıcı olduğu kimi, sonu da olmalıdır.

- Ümidiniz varmı ki, nə vaxtsa yenidən “Qarabağ”a qayıdacaqsınız?

- “Qarabağ” düzgün yoldadır, mən onlara inanıram. Bu il də çempion olmalarını istəyirəm. “Qarabağ” fərdlərdən ibarət deyil, bir sistemdir. Bunu Qurban Qurbanov formalaşdırıb. Bu, gələcəyə hesablanmış bir sistemdir.

- Necə düşünürsünüz, “Qarabağ”da nə qazandınız?

- Ən yadda qalanı 2014-cü ildə qazandığımız çempionluqdur. Mən bu komandada insanların sevgisini qazandım.

- Bundan sonra sizi “Qarabağ”ın Amerikadakı səfiri, nümayəndəsi adlandıra bilərik?

- Niyə də olmasın?!

- Qarabağ həqiqətlərini orada da insanlara çatdırmağı düşünürsünüzmü?

- Əlbəttə.

 

Daha çox


Son xəbərlər
20.03.19  19:24

Dibala "Liverpul"da?