"Azərbaycan çempionatında oynaya bilərəm" - Maykl Esyen

"Azərbaycan çempionatında oynaya bilərəm" - <b style="color:red">Maykl Esyen </b>
ÖLKƏ FUTBOLU 15 Mart 2019 / 20:00 5018
-  A +

“Səbail”lə müqavilə imzalamaq üçün “Lion”, “Çelsi”, “Milan”, “Real”, “Panatinakos” kimi klublarda çıxış etmiş Maykl Esyen bu gün Bakıya gəlib. Qol.az-ın məlumatına görə, Qana millisinin keçmiş üzvü Topaz Premyer Liqasının 21-ci turunda keçirilən “Səbail” – “Qarabağ” matçını (1:2) tribunadan izləyib.  36 yaşlı yarımmüdafiəçi qarşılaşmadan sonra jurnalistlərə müsahibə verib.
 
- Sizi “Səbail”in futbolçusu hesab etmək olar?

- Dəqiq məlumatı “Səbail” klubunun rəhbərliyi ilə görüşümdən sonra alacaqsınız.
 
- Böyük klublarda dolu tribunalar önündə oynamısınız. Azərbaycan çempionatı və bu matçla bağlı fikirləriniz necədir?

- Çox yaxşı oyun idi. Baxmayaraq ki, “Səbail” uduzdu, bu da “Qarabağ”ın təcrübəli olması ilə əlaqəlidir.
 
- Çempionlar Liqasının qalibi olmusunuz və böyük komandalarda çıxış etmisiniz. Maraqlıdır, “Səbail”in təklifində sizi nə cəlb etdi?

- Çempionlar Liqasında qalib olduğum günlər keçmişdə qalıb. Bunu unutmaq lazımdır. Futbolçuyam və oynamaq istəyirəm. Bakıya gəlişimdə “Səbail”in icraçı direktoru Rəhman Həsənovla klubun gələcək planlarından danışmışdıq. Bu da məni cəlb edib. Futbolçu kimi mənə yeni çağırışdır.
 
- Əlimizdə fürsət olsaydı, hansı futbolçunu Azərbaycana gətirə bilərsiniz?

- Bu haqda düşünmürəm.
 
- İndoneziya klubundan ayrıldıqdan sonra sizə təklif olmamışdı?

- 2017-ci ildə İndoneziyadan ayrıldıqdan sonra bir neçə təklif olmuşdu. Əsas təkliflər Avstraliya çempionatından idi. Ancaq Avstraliya çox uzaq olduğu üçün rədd etmişdim. Qısa fasilə götürmüşdüm. “Çelsi”də U-19 komandasında məşqçi kimi çalışırdım.
 
- Oyunun sürətini gördünüz. Bu yaşda sizə problem olmayacaq?

- Həyatımda çox futbol görmüşəm. Bundan da sürətli oyunlara şahidlik etmişəm. Fikrimcə, Azərbaycan çempionatında oynaya bilərəm.
 
- Gəlişiniz “Səbail” və Azərbaycan futbolu üçün böyük reklamdır. Bu barədə siz nə düşünürsünüz?

- Əslində, bunu düşünmürəm. Futbolçuyam və oynamaq istəyirəm. “Səbail”in planları məni cəlb etdiyindən bura gəldim. Reklamı və digər şeyləri düşünmürəm.
 
- “Səbail”ə uyğunlaşmağa nə qədər zaman lazım olacaq?

- Buna vaxt lazım deyil.
 
- Futbolçu kimi əsas tələbiniz nədir?

- Xüsusi tələbim yoxdur. Cavan oyunçularla təcrübəmi bölüşə bilirəmsə, əsas olan budur.

 

Daha çox


Son xəbərlər
24.05.19  16:28

Venger qayıdır

24.05.19  15:06

Runi məşqçi olacaq

24.05.19  08:00

Ağdamdan Ankaraya...

24.05.19  01:57

Robben "Lester"də?