"Sumqayıt"ın yarımmüdafiəçisi Nicat Qurbanov Qol.az-a müsahibə verib. Topaz Premyer Liqanın son turunda "Neftçi"yə məğlub olduqları oyunda (1:2) baş verən hadisələr haqda danışan futbolçu maraqlı fikirlər səsləndirib.
- "Neftçi" ilə oyunda hesabı açan tərəf siz olsanız da, qələbəni qoruyub saxlaya bilmədiniz və uduzdunuz. Səncə, məğlubiyyətə nə səbəb oldu?
- Uduzmağımıza səbəb, ən birinci, öz səhvlərimiz oldu. Hakimin səhvlərini deməyin yeri yoxdur. Olan olub, keçən keçib. Oyun həm gərgin, həm də maraqlı alındı. Təəssüf ki, sonda məğlub olduq.
- Ayxan Abbasovun texniki zonadan, Mehdi Cənnətovun isə meydandan qovulmasını da məğlubiyyətin səbəbləri kimi göstərmək olarmı?
- Hakimin də səhvləri oldu. Amma onu da başa düşmək olar, cavandır. Deməzdim ki, qərarları oyunumuza ciddi təsir etdi. Düzdür, oyunun gedişində hakimin bəzi qərarlarından sonra müəyyən dəyişikliklər olur. Məncə, Mehdinin epizodunda qırmızı vərəqə var idi. Çünki dirsəyi ilə vurmuşdu. Amma onu deyim ki, o epizoda kimi hakimin bəzi qərarları zamanı gərginlik yaranırdı. Ona görə iş gəlib o yerə çatdı. Lakin Ayxan müəllimin qovulması mənə görə səhv qərar idi. Çünki rəqibin çalışdırıcısı da hərdən texniki zonadan çıxırdı. Hətta bir ara onların məşqçilərindən biri bizim yanımıza kimi gəlmişdi. "Neftçi"nin məşqçisi qovulmadı, amma bizimki qovuldu. Bu isə düzgün qərar deyildi.
- Oyun ərzində komanda yoldaşlarınla "Neftçi"nin müdafiəçisi Kiril Petrov arasında tez-tez mübahisə düşürdü. Elə Mehdi Cənnətovun qırmızı vərəqə almasına səbəb də ukraynalı futbolçu oldu. Bununla bağlı nə deyə bilərsən?
- Petrov barədə çox danışmaq istəmirdim. Çünki o da futbolçudur. Amma Petrov nəinki bu oyun, kubok matçlarında da öz davranışı ilə vəziyyəti qızışdırır, futbolçularımızı təxribata çəkir və psixoloji gərginlik yaradırdı. Adi bir şeyi deyim, mən hakimə etirazımı bildirəndə Kiril üstümə qışqırırdı. Hansı səbəbdən bunu etdiyi bilinmirdi. Sadəcə, oyunu gərginləşdirməyə çalışırdı. özü təcrübəli futbolçudur, belə şeylər etməsə, daha yaxşı olar. Çünki bu, futbolçuya yaraşan hərəkət deyil. Sənin rəqib komanda ilə işin olmamalıdır, futbolunu oynamalısan. Biz hakimə etiraz ediriksə, sən bunu öz üstünə götürməməlisən.
- Petrov oyundan sonra jurnalistlərə müsahibəsində Cənnətovun qırmızı vərəqə aldığı epizodla bağlı danışarkən deyib ki, həmin vaxt simulyasiya etməyib. Hətta söyləyib ki, Ukraynada ona belə şey öyrətməyiblər...
- Başa düşmürəm, Ukraynada ona nəyi öyrətməyiblər. Amma meydanda futbolçuya hər şeyi etdi. Ümumiyyətlə, açıqlamasını başa düşmədim. Nəyi nəzərdə tutur, vuranda uzanmağı öyrətməyiblər? Guya "Neftçi" udanda vaxtı uzatmır? Dünya futboluna baxın. İstənilən vacib oyunda udan komanda vaxtı uzadır. Özləri "Qarabağ"ı udanda bunu etmirdilər? Mən özüm də bunu edirəm. Çünki 90 dəqiqə meydanda canımızı qoyuruq. İstəmirik ki, adi bir səhvdən qapımıza qol vurulsun. Ona görə də vaxtı uzadırıq. Bu, normal haldır.
- Necə düşünürsən, "Neftçi" layiqli qələbə qazandı?
- "Neftçi" qələbə qazanıbsa, deməli, layiqdir. Amma oyunda elə şeylər var ki, nəticə bizim xeyirimizə də ola bilərdi. Ən azından heç-heçə edə bilərdik.
- "Sumqayıt" bu gün sonuncu pillədə qərarlaşıb. Bu, sənə, komanda yoldaşlarına necə təsir edir?
- Əlbəttə, heç bir futbolçu turnir cədvəlində axırıncı yerdə olmaq istəməz. Psixoloji baxımdan da çox pis təsir edir. Çünki biz də turnir cədvəlində ən yaxşı yerlərdə olmaq istəyirik. Açığı, pis oynamırıq, əlimizdən gələni edirik. Sadəcə, son nöqtəni qoymaqda problem yaşayırıq. İnanıram ki, bunun üzərində işləyib, yaxşı nəticələr qazanmağa çalışacağıq.
Elnur SALAHOV
"Latsio"da yeni baş məşqçi
"Bakı Sportinq" - "Lerik" oyunundakı 5 qol - Video
"Turan Tovuz"un legioneri milliyə dəvət aldı
Tanınmış klubun 4 xalı silinir
"Şahdağ Qusar"ın qələbəsi - Video
Futboldan ömürlük uzaqlaşdırıldılar - AFFA-dan sərt qərar
Yassin Benzia 5 il yarımdan sonra milliyə çağırıldı
"Şahdağ Qusar" və "Bakı Sportinq"dən qələbə
"Neftçi" - "Spartak" matçının biletləri satışda
"Juninyonu "Qarabağ"da saxlamaqda çətinlik çəkəcəyik"
Azərbaycan millisinin oyunlarına hakim təyinatları açıqlandı
Lunyov Rusiya yığmasının düşərgəsinə qoşuldu
"Frayburq"da Ştrayx dövrü başa çatır
Ançelotti Arda Güleri təriflədi
İnfantino Türkiyə Superliqasındakı qalmaqaldan danışdı
"Neftçi" - "Spartak" oyununun saatı açıqlandı
"Turan Tovuz" - "Qarabağ" matçını nə qədər azarkeş izləyib?
Kovaçı Hasenhyüttl əvəzlədi
“Qarabağ”dan 21-ci əsrin rekordu
"Traktor" növbəti qələbə ilə 3-cü pilləyə yüksəldi
Coşqun oynadı, "Ümraniyespor" qələbə qazandı
"Bayer" seriyanı davam etdirdi, yeni rekorda imza atdı
"Mançester Yunayted” “Liverpul”u kubokdan kənarlaşdırdı
Rahilin komandasından heç-heçə
Musanın komandası finala yüksəldi
"Sabah"ın səfər qələbəsi - Video
"Bunu oturub, başbilənlər fikirləşməlidir" - Samir Abasov
Bəxtiyar Türkiyədə növbəti oyuna çıxdı
"Sabah" 2-ci pilləyə yüksəldi, "Qarabağ"dan qələbə
7 qol vuruldu, "Qalatasaray" qalib gəldi
"Turan Tovuz"un futbolçusunun burnu sınıb
"Qarabağ"ın qələbəsi - Video
İsgəndərli oynadı, "Boluspor" heç-heçə etdi
"Sumqayıt" - "Sabah": Heyətlər açıqlandı
Tovuzda stadion ağzınadək doldu - Video
AFFA-dan “İrəvan” klubu ilə bağlı qərar
"Mançester Siti"dən Edersona yeni müqavilə
U-17 millisi 4 qolla uduzdu