"Qəbələ"nin yarımmüdafiəçisi Asif Məmmədov Qol.az-a müsahibə verib. Topaz Premyer Liqanın son turunda "Keşlə" ilə xal itirdikləri oyundan danışan futbolçu digər məqamlara da toxunub.
- Son turda evdə autsayder "Keşlə"nin müqavimətini qıra bilmədiniz. Buna nə səbəb oldu?
- "Keşlə" axırıncı yerdə getsə də, bu gün çempionat elə vəziyyətdədir ki, hamı rahat şəkildə bir-birindən xal ala bilir. Ona görə də rəqibin autsayder olmasına fikir vermirdik. Bilirdik ki, istənilən halda çətin olacaq. Oyunumuz istədiyimiz kimi alınmadı. Bu səbəbdən qələbə qazana bilmədik. Amma səhvləri analiz edib, qarşıdakı matçlarda daha diqqətli olmağa çalışacağıq. Qol imkanlarımız oldu, istifadə edə bilmədik.
- Görüşün 76-cı dəqiqəsində Stiven Jozef-Monroz topu rəqib qapısından keçirsə də, baş hakim Rəşad Əhmədov qolu qeydə almadı. Səncə, referi düzgün qərar verdi?
- Təbii ki, tər-təmiz qol idi, saymadılar. Epizodun təkrarına da baxanda görünürdü ki, orada oyundankənar vəziyyət yoxdur. Bunu bəhanə gətirmirəm. Daha yaxşı oynaya bilərdik.
- Bəs niyə oynamadınız? "Qəbələ"nin futbolçuları meydanda çox istəksiz görünürdü...
- İstəksizlik ola bilməz. Sadəcə, həmin gün hava şəraiti əlverişli deyildi. Bir az boğunuq idi. Nəfəs almaqda çətinlik çəkirdik. Sürətli oynamaq olmurdu. Adam boğulurdu. Qəbələdə hərdən bu cür hava şəraiti olur. Amma hər şeyi sırf hava ilə əlaqələndirməyək. Çünki rəqib də eyni şəraitdə oynayırdı. Belə deyim, oyunumuz istədiyimiz kimi alınmadı. Potensialımız bundan da yaxşı oynamağa imkan verir.
- Bu mövsüm çempionatda əsas hədəfinizin ən pis halda 3-cü yeri tutub, Avroliqaya vəsiqə qazanmaq olduğu məlumdur. Necə düşünürsən, "Keşlə" ilə oyundakı xal itkisi mövsümün sonunda sizə başağrı ola bilərmi?
- Tək bu yox, itirdiyimiz bütün xallar sonda mənfi təsir göstərə bilər. Mövsümün ilk hissəsində öz meydanımızda "Sumqayıt"ı udurduq, son dəqiqədə qol buraxıb, 3 xaldan olduq. Bu cür xal itkiləri acı nəticə verə bilər. Amma bunları unudub, qarşıdakı oyunlara köklənməliyik. Bir az da artırsaq, düşünürəm ki, hədəfimizə çatacağıq.
- Komandanız 1-2 oyun udur, özünə gəlir, sonra yenə xal itirir, qısamüddətli eniş yaşayır. Bu qeyri-sabitliyin səbəbini nədə görürsən?
- Yayda komandada bəzi dəyişikliklər oldu. Bu da öz sözünü deyir. Yeni baş məşqçimiz var, yeni qurulmuş komandayıq. Heyətdə gənc oyunçular var. Məncə, adaptasiya bir qədər gec keçdi. İlk iki dövrədə müəyyən çatışmazlıqlar olsa da, mövsümün ikinci hissəsində qeyri-sabit oynadığımızı deyə bilmərəm. Çünki 4 oyundan yalnız birində uduzmuşuq, o da "Qarabağ"a qarşı olub. Halbuki həmin matçda ən yaxşı oyunlarımızdan birini sərgiləmişik. Qeyri-sabit oynayıb-oynamadığımızı mövsümün sonunda görəcəyik.
- Üçüncü yer uğrunda əsas rəqibiniz "Səbail" dünən "Neftçi"yə qalib gələrək, "Qəbələ" ilə xal fərqini yenidən 6-ya yüksəltdi. Ümumiyyətlə, onların səfərdə lideri uda biləcəyini gözləyirdiniz?
- Əlbəttə, gözləyirdik. 3-cü dövrədə qazandıqları nəticələrdən də görünür ki, yaxşı futbol oynayırlar. Amma biz "Səbail"in yox, "Qəbələ"nin oyunlarına fikir verməliyik. Qarşıda bu komanda ilə 2 matçımız var. Əsas odur ki, öz oyunlarımızı udaq. Qarşıdakı 10 turda qalib gəlsək, istədiyimiz yerdə olacağıq.
- Növbəti tur səfərdə "Zirə"nin qonağı olacaqsınız. Samir Abasovun komandası son vaxtlar yüksəlişdədir. Həmin qarşılaşmadan nə gözləyirsən?
- Doğrudan da "Zirə" son turlarda qalib gəlir. Ardıcıl qələbələrdən sonra istər-istəməz komandada inam artır. "Zirə" ilə oyunlarımız hər zaman çətin olub. Düşünürəm ki, bizi yenə də ağır oyun gözləyir. Buna baxmayaraq, səfərə qələbə üçün çıxacağıq.
Elnur SALAHOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu