"Səbail"in hücumçusu Ruslan Qurbanov Qol.az-a müsahibə verib. Komandasının qış fasiləsindən sonrakı çıxışını dəyərləndirən futbolçu "Neftçi" ilə qarşıdakı oyuna da toxunub.
- Son iki oyunda səni meydanda görmürük. Heç adın iştirak ərizəsində də olmur. Bu, nə ilə bağlıdır?
- "Keşlə" ilə oyunda ciddi zədə aldım. Amma şükürlər olsun ki, əməliyyata ehtiyac olmadı. Bu səbəbdən son 2 turu buraxmaq məcburiyyətində qaldım. Artıq hazırlığa qoşulmuşam. Qaçıram, məşq edirəm. Heç bir ağrım yoxdur. Düşünürəm ki, bu templə davam etsəm, baş məşqçi şans verəcəyi təqdirdə "Neftçi" ilə matçda 10-15 dəqiqə oynaya bilərəm.
- "Səbail" fasilədən sonra keçirdiyi 3 oyunda 6 xal qazanıb. Komandanın çıxışı barədə nə deyə bilərsən?
- 3 oyundan 6 xal götürmüşüksə, məncə, bu, yaxşı göstəricidir. Amma daha yaxşısını da edə bilərdik. Qarşıda hələ 11 tur var, hər şey ola bilər. Öz mövqeyimizi saxlamaq və Avroliqaya düşmək istəyirik. Amma buna qədər qarşımızda duran tapşırıqları yerinə yetirməliyik.
- Ən yaxın izləyiciniz "Qəbələ"dən 4 xal öndəsiniz. Necə düşünürsən, fərqi qoruyub-saxlamaq mümkün olacaq?
- Yenə deyirəm, qarşıda hələ 11 oyun var. Hər şey dəyişə bilər. Hələ "Qəbələ" ilə oyunlarımız var. Tələsmək istəmirik. Hər oyuna final matçı kimi baxmalıyıq. Düşünürəm ki, onda nəticə özü gələcək.
- Avroliqaya vəsiqə qazana bilməsəniz, fiasko sayılacaq?
- Hər şey mümkündür. Ona görə də təmkinli olmalı, baş məşqçinin bizdən istədiyi oyunu göstərməliyik. Bunu edə bilsək, mövsümün sonunda sevinən tərəf biz olacağıq.
- Bu tur sizi "Neftçi" ilə çətin səfər oyunu gözləyir. Həmin qarşılaşma barədə nə düşünürsən?
- Bu mövsüm artıq iki dəfə "Neftçi" ilə qarşılaşmış və hər ikisində uduzmuşuq. Bu dəfə yaxşı nəticə qazanmaq istəyirik. "Neftçi" son turda 2 xal itirdiyindən "Qarabağ" onlara yaxınlaşdı. Odur ki, bizi udmaq üçün hər şeyi edəcəklər. Hesab edirəm ki, yaxşı oyun alınacaq və uğur bizim tərəfimizdə olacaq.
- Qış fasiləsində komandaya iki yeni hücumçu qoşuldu. Oke Akpoveta və İmanol İriberrinin gəlişi səni narahat etmir?
- Düzünü desəm, yeni hücumçunun gəlişini gözləyirdim. İkisi birdən alındı. Hər zaman rəqabətə hazıram. Bu, mənim də xeyirimədir.
- Son olaraq, millinin yeni baş məşqçisi Nikola Yurçeviçlə bağlı fikirlərini bilmək maraqlı olardı...
- Yurçeviçlə bağlı onu deyə bilərəm ki, mən bu məşqçini Moskva "Lokomotiv"indən tanıyıram. Ümumilikdə, yaxşı mütəxəssisdir. Pis olsaydı, böyük klublarda işləməzdi. Düşünürəm ki, bizə faydası olacaq.
Elnur SALAHOV
"Latsio"da yeni baş məşqçi
"Bakı Sportinq" - "Lerik" oyunundakı 5 qol - Video
"Turan Tovuz"un legioneri milliyə dəvət aldı
Tanınmış klubun 4 xalı silinir
"Şahdağ Qusar"ın qələbəsi - Video
Futboldan ömürlük uzaqlaşdırıldılar - AFFA-dan sərt qərar
Yassin Benzia 5 il yarımdan sonra milliyə çağırıldı
"Şahdağ Qusar" və "Bakı Sportinq"dən qələbə
"Neftçi" - "Spartak" matçının biletləri satışda
"Juninyonu "Qarabağ"da saxlamaqda çətinlik çəkəcəyik"
Azərbaycan millisinin oyunlarına hakim təyinatları açıqlandı
Lunyov Rusiya yığmasının düşərgəsinə qoşuldu
"Frayburq"da Ştrayx dövrü başa çatır
Ançelotti Arda Güleri təriflədi
İnfantino Türkiyə Superliqasındakı qalmaqaldan danışdı
"Neftçi" - "Spartak" oyununun saatı açıqlandı
"Turan Tovuz" - "Qarabağ" matçını nə qədər azarkeş izləyib?
Kovaçı Hasenhyüttl əvəzlədi
“Qarabağ”dan 21-ci əsrin rekordu
"Traktor" növbəti qələbə ilə 3-cü pilləyə yüksəldi
Coşqun oynadı, "Ümraniyespor" qələbə qazandı
"Bayer" seriyanı davam etdirdi, yeni rekorda imza atdı
"Mançester Yunayted” “Liverpul”u kubokdan kənarlaşdırdı
Rahilin komandasından heç-heçə
Musanın komandası finala yüksəldi
"Sabah"ın səfər qələbəsi - Video
"Bunu oturub, başbilənlər fikirləşməlidir" - Samir Abasov
Bəxtiyar Türkiyədə növbəti oyuna çıxdı