Yurçeviçin millinin baş məşqçisi təyin olunacağı de-fakto məlumdur. AFFA onu ikinci dəfə Bakıya dəvət edirsə, bu dəfə çempionat oyunlarını stadiondan izləyirsə, deməli, ictimai fikir ehmalca buna hazırlanır.
Niyə ehmalca?
Yurçeviçin karyerasını "google"da axtarsanız, hansısa qeyri-adi bir ad ilə anlaşılmadığı, millinin sıradan birinə həvalə edildiyi qənaətinə gələ bilərsiniz. Buna görə də onu təmtəraqla təqdim etmək uğurlu olmaz deyə, proses asta-asta aparılır.
Əlbəttə ki, mütəxəssisin potensialına qarşı neqativ iddialar qeyd edib, şəxsə hörmətsizlik etmərik, lakin Yurçeviçi futbol aləmində "üçüncü sort" ad hesab edə bilərik.
* * *
Yaxşı, milli komanda belə birinə tapşırılacaqdısa (hələ rəsmən açıqlanmasa da), Azərbaycan futbolunda ən uğurlu məşqçi olan Qurban Qurbanov ilə 6 illik müqavilə bağlayıb, yeni inkişaf stratgeiyasının ona tapşırıldığı niyə açıqlanırdı?
Belə bir adın təyinatı futbol tariximizə hörmət gətirən nəticələrə nail olmuş birinə qarşı kobud hörmətsizlik deyilmi?
Nəinki Qurbanov, bütün aşağı yaş qrupları üzrə millilərin baş məşqçisini istefaya göndərmək - bu, nəyin prinsipi, acığı idi?
* * *
Baş məşqçi kimi əhəmiyyətli nəticələri olmayan biri üçünmü iki aydan çox axtarış aparıldı?
U-16 və U-21 serbiyalı məşqçiyə, əsas milli isə xorvata həvalə edilir?
Əvvəla, Azərbaycanda mütəxəssis qıtlığıdırmı? 30-dan çox PRO kateqoriyası olan məşqçi ordusu nə üçündür bəs?
Həm, serblər və xorvatların - üzdən göstərilməsə də -, daxildən bir-birinə qarşı necə radikal, aqressiv olduqlarını bilmirsinizmi? Yuqoslaviya müxtəlif respublikalara parçalananda aralarında müharibələr olub və ən qəddar savaşlardan biri də bu iki ölkə arasında yaşanıb.
Ümumiyyətlə, qənaətlər təsdiqini tapır - AFFA rəhbərliyi doğrudan da, Qurbanov və "drujinasının" millidə uzunmüddətli olmasını istəmirdi və məhz buna görə hər şey edildi ki, onlar uzaqlaşdırılsın. Və bu hadisə assosiasiya rəhbərliyində ikitirəliyin daha da dərinləşməsinə səbəb oldu.
Proses davam edir. Prosesin hərəkətverici qüvvəsi olan AFFA-nın baş katibi Elxan Məmmədov yəqin ki, artıq özünü qalib hesab etmir. Çünki bundan sonra zaman ən çox onun əleyhinə işləyir...
Futbolumuzu isə xilas perspektivi yox, növbəti intriqa ocaqları "məşğul" edəcək.
* * *
Yurçeviç, xoş gəlmisiz! Lakin, bilin, siz, böyük hörmətsizliklə qovulmuş ən uğurlu yerli mütəxəssisin əvəzinə gətirilmiş təsadüf birisiniz. O qovulmanı təşkil edənlərin heç "B planı" belə yox imiş. Əsas məqsəd Qurbanovgili bu işlərdən uzaqlaşdırmaq imiş. Sizə uğurlar arzu edirik, lakin bu, çox müşkül görünür.
Bunaqədərki təyinatlar, atılan addımlar yenə düşünməyə əsas verir ki, millinin inkişafı, nəticələrinin yaxşılaşması belə namümkündür. Bəhanə isə həmişə var və niyəsə yarayır...
Elçin Cəlilov
Futbolpress.az
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı