"Sumqayıt"a uduzmağımız sürpriz deyil" - Ruslan Abışov

"Sumqayıt"a uduzmağımız sürpriz deyil" - <b style="color:red"> Ruslan Abışov</b>
XƏBƏR 11 Yanvar 2019 / 17:10 1645
-  A +

"Hazırlıqlara yeni başlamışıq, hər şey qaydasındadır. İstirahətdən yenicə qayıtdığımız üçün məşqlərimiz ağır keçir. Amma yəqin ki, bundan sonra daha rahat olacaq".

Qol.az xəbər verir ki, bu sözləri "Neftçi"nin kapitanı Ruslan Abışov bu gün keçirilən açıq məşqi zamanı jurnalistlərə açıqlamasında deyib.

Bir müddətdir zədədən əziyyət çəkən müdafiəçi hələ oynamağa tam hazır olmadığını bildirib: "Zədədən sonra tam hazır deyiləm. Yəqin ki, Antalya toplanışında tam gücümlə hazırlaşacam. Özümü tam hazır hiss etsəm, yoxlama oyunlarında iştirak edə bilərəm".

Təcrübəli futbolçu "Neftçi"nin qış fasiləsinə qədərki çıxışını qiymətləndirib: "Komandamız birinci yerdə gedir. Hər şey yaxşıdır. Amma oyunlarımıza kənardan baxmaq mənə çox çətin idi. Mən də bu klubun bir üzvüyəm. Meydanda olmaq istəyirdim. İnanıram ki, formamı bərpa edib əsas heyətə qayıdacam".

R.Abışov ölkə kubokunun 1/4 final mərhələsində "Sumqayıt"a məğlubiyyət barədə də danışıb: "Açığı, bu nəticəyə sürpriz deməzdim. Ayxan Abbasovun gəlişindən sonra "Sumqayıt"ın oyunlarında müsbət mənada inkişaf var. Bu da bizə çətinlik yaradırdı. "Sumqayıt" tamam başqa cür oynayırdı. İstəyirdim ki, mərhələni adlayan biz olaq. Artıq bir cəbhədə mübarizə aparırıq. Çalışacağıq çempionluq uğrunda "Qarabağ" və digər komandalarla sona qədəq mübarizə aparaq".
 

Daha çox


Son xəbərlər
24.03.19  21:12

"Sabah"dan heç-heçə