"Keşlə" Kamran Ağayevə görə cəzalandı

"Keşlə" Kamran Ağayevə görə cəzalandı
ÖLKƏ FUTBOLU 18 Dekabr 2018 / 13:03 2474
-  A +

AFFA İntizam Komitəsinin iclası keçirilib.

Qol.az-ın PFL-in rəsmi saytına istinadən yaydığı xəbərə görə, yığıncaqda Azərbaycan kubokunun 1/4 final mərhələsinin ilk oyunlarında qeydə alınan qayda pozuntularına hüquqi qiymət verilib.

“Zirə” – “Səbail” matçının 33-cü dəqiqəsində qonaqların futbolçusu Tome Kitanovski aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb, klub 2400 manat cərimə olunub.

“Neftçi” – “Sumqayıt” matçının 88-ci dəqiqəsində meydan sahiblərinin müdafiəçisi Anton Krivotsyuk ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub. Bundan başqa, oyunun birinci hissəsi başa çatdıqdan sonra “Sumqayıt”ın məşqiçisi Elnur Çodarov və “Neftçi”nin inzibatçısı Qədir Həsənov texniki zona qaydalarını pozublar. Bu səbəbdən texniki zonadan kənarlaşdırılan şəxslər 1 oyun cəzalanıb, hər iki klub 800 manat cərimə olunub.

“Qarabağ” – “Keşlə” matçı başa çatdıqdan sonra qonaq komandanın qapıçısı futbolçusu Kamran Ağayev və klubun Müşahidə Şurasının sədri Zaur Axundov hakimlər otağına icazəsiz daxil olduqlarına görə klub 1600 manat cərimə olunub.

Daha çox


Son xəbərlər