“Kosovonu məğlub edə biləcək gücdəyik” - Mirabdulla Abbasov

“Kosovonu məğlub edə biləcək gücdəyik” - <b style="color:red">Mirabdulla Abbasov</b>
MÜSAHİBƏ 18 Noyabr 2018 / 00:07 3081
-  A +

"Çox vacib qələbə oldu. Turnir cədvəli baxımından 3 xal çox əhəmiyyətli idi. Əlimizdən gələni edəcəyik ki, Kosovonu məğlub edib, 3 xal qazanaq və qrupu lider başa vuraq”.
 
Qol.az-ın məlumatına görə, bu sözləri yığmamızın üzvü Mirabdulla Abbasov Millətlər Liqasının qrup mərhələsinin 5-ci turunda evdə Farer adalarına 2:0 hesabı ilə qalib gəldikləri oyundan sonra deyib. O, daha sonra jurnalistlərin suallarını cavablandırıb:
 
- Bizim bacarmadığımız Maltaya bu gün Kosovo 5 qol vurdu. Son turda işimiz necə olacaq?

- Futbolda hər şey ola bilər. Biz də Kosovo ilə burda heç-heçə etmişik. Milli komandamız Kosovanı məğlub edəcək gücdədir.
 
- Debüt oyununu necə dəyərləndirirsən?

- Öz oyunumu dəyərləndirməyi sevmirəm. Kənardakılar qiymət versə, yaxşı olar. Əlbəttə, qol vurmaq istəyirdim. Hər bir hücumçu bunu istəyirdi.
 
- Debütündə təkbətək epizodda qol vura bilmədin. Bu həyəcanla bağlı idi?

- Xeyr, həyəcanlı deyildim, sadəcə, hər an qol vurmaq olmur. Həmin epizodda alınmadı.
 
- Kosovo ilə səfər matçında start heyətdə olacağını düşünürsən?

- Məşqçilərin fikridir. Baş məşqçimizin qərarına hörmətlə yanaşıram. Start heyətdə olsam və oyuna sonradan qoşulsam, əlimdən gələni edəcəyəm.

 

Daha çox


Son xəbərlər
14.12.18  22:33

Roys birinci oldu

14.12.18  21:05

Yalquzaq

14.12.18  13:52

"Dəli"nin 28-ci klubu

14.12.18  01:11

14 tur, 18 futbolçu