"Avroliqada üç oyunumuz qalıb və doqquz xal qazana bilərik" - Delarj

"Avroliqada üç oyunumuz qalıb və doqquz xal qazana bilərik" - <b style="color:red">Delarj</b>
MÜSAHİBƏ 1 Noyabr 2018 / 10:04 1545
-  A +

“Qarabağ”ın futbolçusu Con Delarj səfərdə "Keşlə" ilə 1:1 hesablı heç-heçə etdikləri Topaz Premyer Liqasının 7-ci turundan təxirə salınmış oyundan sonra müsahibə verib:

- "Neftçi" ilə oyunda əsas heyətdə idiniz, bu gün (dünən-red) isə meydana sonradan daxil oldunuz. Bu, ötən görüşdə yaxşı təsir bağışlamamağınızla bağlı idi?

- Bu, baş məşqçinin qərarıdır. Biz həm Avroliqa, həm də çempionatda oynayırıq. 3 gündən bir oyuna çıxırıq. Buna görə də yorğunluq olur. Baş məşqçimiz də rotasiyalar edir və çalışır ki, bütün oyunçulara vaxt versin. Bizim 25 oyunçumuz var və 11-i əsas heyətdə çıxış edə bilər. Baş məşqçi məni keçən oyun əsas heyətdə oynatmışdı, bu dəfə isə sonradan meydana çıxdım. Bu, sadəcə rotasiya və sistemlə bağlı idi.

- "Vorskla" ilə Ukraynada keçirəcəyiniz görüş haqda nə deyə bilərsiniz?

- Biz əvvəlcə çempionatdakı "Sumqayıt"la növbəti oyunumuz barədə düşünürük. Həftəsonu öz meydanımızda 3 xal qazanmaq istəyirik. Lider "Neftçi" ilə aramızda 5 xal fərq var və çalışacağıq ki, xal itkisinə yol verməyək. Daha sonra isə Avroliqada "Vorskla" ilə qarşılaşma barədə düşünəcəyik.

- Avroliqada qrupdan çıxma şanslarınızın bitdiyini söyləmək olar?

- Hələ üç oyunumuz qalıb və doqquz xal qazana bilərik. Nəzəri olaraq şanslarımız davam edir.

- Bəs çempionluq şanslarınız barədə nə deyə bilərsiniz?

- Hazırda oktyabr ayıdır və çempionat gələn ilin mayında başa çatacaq. Ona görə də indidən nəsə demək çətindir. Ola bilər ki, biz bu ay yaxşı performans göstərmədik, növbəti ay hər şey dəyişə bilər (Report).

 

Daha çox


Son xəbərlər
12.11.18  16:55

"Real"da ciddi itkilər

12.11.18  12:34

Riberi jurnalisti vurdu

12.11.18  02:00

PSJ-dən darmadağın

12.11.18  00:24

"Vorskla" yenə uduzdu