Aftandil Hacıyev “Qarabağ”ın texniki səhvi haqda: “Allahın hədiyyəsidir”

Aftandil Hacıyev “Qarabağ”ın texniki səhvi haqda: <b style="color:red"> “Allahın hədiyyəsidir”</b>
ÖLKƏ FUTBOLU 20 Oktyabr 2018 / 21:31 4187
-  A +

“Maraqlı oyuna şahidlik etdik. Hər iki komanda məzmunlu  və sürətli futbol sərgilədi”.

Qol.az-ın məlumatına görə, bu sözlər “Səbail”ın baş məşqçisi Aftandil Hacıyev Topaz Premyer Liqanın 8-ci turunda “Qarabağ”la keçirilən oyundan sonra mətbuat konfransında deyib.

Gənc mütəxəssis məğlubiyyəti belə şərh edib: “Layiqli müqavimət göstərdik. Buna görə komandama təşəkkür edirəm. Bu tempi saxlaya bilsək, lazımi xalları toplaya bilərik. Bunu unudub, qarşıdakı matçlara hazırlaşmalıyıq. Bizi daha çətin oyunlar gözləyir. Hələ əsas rəqiblərimizlə qarşıda oynayacağıq”.

“Qarabağ” matçın 2-ci hissəsində adı oyun protokolunda olmayan futbolçunu meydana buraxıb. Bu səbəbdən Ağdam klubuna texniki məğlubiyyət verilə bilər. A.Hacıyevin məsələyə münasibət bildirib:
"Mən də məlumatı indi eşitdim ki, texniki səhv olub. “Zirə” ilə oyunda da, bu gün də layiqli oyun göstərmişdik. Bu da Allahın qismətidir, hədiyyədir. Bundan imtina edə bilmərik. Belə bir səhv bizim də başımıza gələ bilər. Bu səhv yenə də “Qarabağ”ın gücünü azaltmır. Onlar ölkəmizin ən güclü komandasıdır, desəm yanılmaram. Son illərin çempionudur. Ümid edirəm ki, avrokuboklarda bizi sevindirərlər”.


 

 

Daha çox


Son xəbərlər
19.11.18  12:37

"İmarət" 9 yaşında

18.11.18  21:19

Kavani "Real"da?

18.11.18  19:19

Millimiz Kosovoya getdi