"Başakşəhər"dən Ardaya ağır cəza

"Başakşəhər"dən Ardaya ağır cəza
DÜNYA FUTBOLU 16 Oktyabr 2018 / 15:58 4474
-  A +

"Başakşəhər" futbolçusu Arda Turanı cəzalandırıb.

Qol.az-ın xəbərinə görə, bu barədə klubun saytı məlumat yayıb. Müğənni Berkayla arasındakı yaşanan qalmaqalla əlaqədar türk yarımmüdafiəçi 2 milyon 500 min türk lirəsi məbləğində cərimələnib:

"Milli komanda matçları ilə əlaqədar verilən üç günlük istirahət müddətində futbolçumuzun etdiyi iddia edilən və mətbuatda yazılan hərəkətləri "Başakşəhər" futbol klubunun etik və peşə anlayışı ilə ziddiyyət təşkil edir. Məsələnin məhkəməyə qədər getməsi səbəbi ilə onu 2 milyon 500 min türk lirəsi ilə cərimələdiyimizi və məhkəmə qərarı çıxana qədər oyunçunun peşəkar vəzifələrini davam etdirəcəyini ictimaiyyətə bildiririk" - deyə klubun bəyanatında vurğulanıb.

Qeyd edək ki, İstanbul Cümhuriyyət Prokurorluğu müğənni Berkayla futbolçu arasındakı yaşanan qalmaqalla əlaqədar cinsi təzavüz, qəsdən sağlamlığa zərər vurma, qanunsuz silah gəzdirmə, qəsdən yaralama ittihamı ilə futbolçuya qarşı cinayət işi açıb. Bununla bağlı iş məhkəməyə göndərilib. Prokurorluğun ittihamnaməsində Arda Turanın 12 il yarım, müğənni Berkayın isə 2 ilə kimi həbsi tələb olunub.

Xatırladaq ki, iddiaya görə, Arda gecə klubunda Berkayın həyat yoldaşına sataşıb. Bundan sonra tərəflər arasında mübahisə düşüb və futbolçu kəllə ilə müğənninin burnunu qırıb. Bundan sonra Türkiyə millisinin üzvü xəstəxanaya gedərək, Berkayı silahla təhdid edib.

 

Daha çox


Son xəbərlər
17.11.18  02:10

Qol.az 10 yaşında!