"Qəbələ"nin ilk rəqibi müəyyənləşdi

"Qəbələ"nin ilk rəqibi müəyyənləşdi
XƏBƏR 10 Oktyabr 2018 / 22:03 2020
-  A +

“Qəbələ” İdman Klubunun boksçuları Ukraynada təşkil olunan təlim-məşq toplanışını başa vurub.

Qol.az-ın klubun saytına istinadən yaydığı xəbərə görə, oktyabrın 4-də başlayan hazırlıq prosesini yekunlaşdıran boksçular sabah start götürəcək klublararası beynəlxalq turnirdə qüvvəsini sınayacaq.  Bu gün yarışda iştirak edən 4 komandanın iştirakı ilə püşkatma və çəki mərasimləri, həmçinin klub nümayəndələrinin qatıldığı mətbuat konfransı keçirilib. “Qəbələ”nin boks bölməsinin rəhbəri Fariz Məmmədov və baş məşqçi Ramiz Mirkamilov jurnalistlərin suallarını cavablandırıb, konfrans zalına toplaşanlara klub və boks bölməsi haqda, həmçinin nailiyyətlər və gələcək planlar barədə məlumatı çatdırıb.

Püşkün nəticələrinə görə sabah keçiriləcək ilk döyüşlərdə “Qəbələ”nin rəqibi “Leather Gloves” (Özbəkistan) klubu olacaq. Klubların 7 çəki dərəcəsindəki təmsilçiləri Krivoy-Roq şəhərindəki turnirdə üz-üzə gələcək. “Qırmızı-qaralar”ı rinqdə Cavid Çələbiyev (60 kq), Bəxtiyar Qazıbəyov (64 kq), Lorenso Sotomayor (69 kq), Kamran Şahsuvarlı (75 kq), Alfonso Dominqos (81 kq), Rahil Məmmədli (91 kq) və Asəf Aslanlı (+91 kq) təmsil edəcək. Qarşılaşmaya Bakı vaxtı ilə saat 17:00-da start veriləcək. Digər matçda isə DKD (Gürcüstan) və yerli KB-75 klubları qarşılaşacaq. Qalib komandalar oktyabrın 12-də final, məğlub klublar isə 3-cü yer uğrunda matçda görüşəcək.

Daha çox


Son xəbərlər
28.03.24  10:55

Qrizmann qayıtdı