Fariz Məmmədov WBC-in Konqresində - Şəkillər

Fariz Məmmədov WBC-in Konqresində - <b style="color:red"> Şəkillər</b>
XƏBƏR 1 Oktyabr 2018 / 16:00 1386
-  A +

Sentyabrın 30-da Ümumdünya Boks Şurasının (WBC) 56-cı Konqresinə start verilib.

Qol.az-ın xəbərinə görə, Ukraynanın Kiyev şəhərində təşkil olunan tədbirdə “Qəbələ” İdman Klubunun boks bölməsinin rəhbəri Fariz Məmmədov da iştirak edir. Azərbaycanın peşəkar boks üzrə ilk dünya çempionu tədbirə fəxri qonaq qismində dəvət olunub.

Konqresdə 160 ölkədən 700-dən artıq qonaq qatılıb. Fəxri qonaqlar arasında Lennoks Lyuis, Evander Holifild, Oskar de la Xoyya, Xulio Sezar Çaves kimi dünya boksunun əfsanələri də yer alıb. Konqresin təşkilat komitəsinin rəhbəri isə ukraynalı Vitali Kliçkodur. Tədbirin ilk günündə bir sıra görüşlər təşkil olunub. Tanınmış boksçular Konqres çərçivəsində təşkil olunan “Əfsanələrlə birlikdə” beynəlxalq turnirinin iştirakçılarının açıq məşqi baş tutub. Fariz Məmmədov müxtəlif illərdə dünya çempionu olan əfsanələr ukraynalı Vladimir Kliçko, böyük britaniyalı Amir Xan, meksikalı Xulio Sezar Çaves, ABŞ təmsilçiləri Evander Holifild, Şon Porter, Marvin Haqler, panamalı Roberto Dyuran və digər ulduzlarla görüşüb.

Konqresin rəsmi açılış mərasimi, həmçinin Vitali Kliçko və əfsanələrdən birinin iştirakı ilə mətbuat konfransı da təşkil olunub. Oktyabrın 2-də isə ukraynalı əfsanə ulduz qonaqlarla uşaqlara yardım evində olacaq. Ardınca bokssevərlər üçün ulduzlardan avtoqraf almaq imkanı yaradılacaq. Konqres oktyabrın 5-dək davam edəcək.

Mənbə: gabalafc.az
















Səhifənin yuxarısına keçidYuxarı

 

Daha çox


Son xəbərlər