“Rahat çempion olacağımızı düşünmürəm” - Rahil Məmmədov

“Rahat çempion olacağımızı düşünmürəm” - <b style="color:red"> Rahil Məmmədov</b>
ÖLKƏ FUTBOLU 24 Sentyabr 2018 / 01:01 1803
-  A +

“Asan qələbə qazandığımızı deməzdim. Oyun çətin keçdi. Yaxşı mübarizə apardıq. Baş məşqçimizin verdiyi bütün tapşırıqları yerinə yetirdik. Nəticədə 3 xalı qazandıq”.

Qol.az-ın məlumatına görə, bu sözləri Topaz Premyer Liqasının 5-ci  turunda “Qəbələ”ni 4:1 hesabı ilə məğlub edən “Qarabağ”ın futbolçusu Rahil Məmmədov jurnalistlərə açıqlamasında deyib.

O, çempionluqda haqda danışmağın tez olduğunu söyləyib:

“Düşünmürəm ki, rahat çempion olacağıq. İndidən çempionluq barədə danışmaq üçün tezdir. Qarşıda oyunlarımız var, onlara köklənməliyik”.

22 yaşlı müdafiəçi oyuna hansı heyətin çıxacağını əvvəlcədən bilinmədiyini deyib:

“Bizdə ikinci heyət anlayışı yoxdur. Hər kəs məşqdə bir hazırlaşır, öz gücünü ortaya qoyur. Öncədən bilinmir ki, Avroliqada və ya Premyer Liqada hansı heyət meydana çıxacaq. Baş məşqçimiz hazır olan futbolçuları meydana buraxır. Hər mövqedə bir neçə futbolçumuz var. Bu da rəqabət yaradır. Düşünürəm ki, rəqabət olan yerdə inkişaf da olur”.


 

 

Daha çox


Son xəbərlər
23.10.18  15:30

Ya Konte, ya da Hazard

23.10.18  00:53

"Arsenal"dan qələbə