“Bakı”nın oyunçuları ölkə kubokunun finalında “Xəzər Lənkəran” üzərindəki qələbədən sonra (2:1) kubok sevinclərini klubun rəsmi internet saytı ilə bölüşüblər. Qol.Az bununla bağlı açıqlama verən bütün oyunçuların fikirləri ilə sizi də tanış edir:
Cəmşid Məhərrəmov: “Oyundan öncə də demişdim ki, arzumuz kuboku Hafiz Məmmədova hədiyyə etməkdir. Çox şadam ki, istəyimizə çatdıq. Çünki klub prezidentimiz ən yaxşı mükafatlara layiqdir”.
Bəxtiyar Soltanov: “Final matçında qol vurmaq üçün çox çalışdım. İstəyimə çata bilməsəm də, buna çox təəssüflənmirəm. Çünki əsas komandamın uğurudur”.
Marko Şarliya: “Biz bu gün üstün oynadıq. Rəqibin son saniyələrdə vurduğu qol da arxayınçılığımızdan irəli gəldi”.
Stevan Bates: “Bakı” bu gün layiqli qələbə qazandı. Güclü olduğumuz üçün kuboka da sahib çıxdıq. Bu uğurun ardını avroliqada davam etdirməliyik”.
Aleksey Savinov: “Kubokun qalibi olmaq şərəfdir. “Bakı” növbəti dəfə gücünü hamıya göstərdi”.
Elvin Əliyev: “Oyuna çox ciddi hazırlaşmışdıq. Çox şadam ki, zəhmətimiz hədər getmədi”.
Fabio Luis Ramim: “Biz növbəti dəfə “Xəzər Lənkəran”dan güclü olduq. 1 ay ərzində 3 dəfə bir komandanı məğlub etmək elə də asan deyil. Amma biz bunu bacardıq”.
Ernad Skuliç: “Çox çətin mövsüm keçirdik. Bu cür ağır mövsümü gümüş medal və kubokla başa vurmaq çox xoşdur”.
Jaba: “Bakı”dakı ilk ilimdə çempion ola bilməsəm də, kuboku qazandım. Ümid edərim ki, növbəti mövsümdə çempion da olaram”.
Adnan Bərəkət: “Oyunan əvvəl də demişdim ki, “Xəzər Lənkəran”a qalib gələcəyik. Gördüyünüz kimi, belə də oldu”.
Aleksandr Soliç: “Bakı” yalnız və yalnız güclü olduğuna görə qalib gəldi. Kimsə əlində top saxlaya bilmirsə, bu bizim günahımız deyil”.
Xalidu Sissoko: “Bakı” öz oyununu oynayanda heç bir komanda qarşımızı kəsə bilmir. Final görüşündə də qələbə bizim haqqımız idi”.
Mahmud Qurbanov: “Biz “Xəzər Lənkəran”dan güclü olduğumuza görə qalib gəldik. Vurduğumuz ikinci qol da qələbəyə layiq olduğumuzu sübuta yetirdi”.
Rafael Əmirbəyov: “Oyunda üstün olan tərəf biz idik. Bunun da sayəsində qələbə qazanaraq, kuboku əldə etdik”.
Əziz Quliyev: “Karyeramda ilk dəfə olaraq Azərbaycan kubokunun sahibi oldum. Buna görə çox şadam”.
Vyaçeslav Sofroni: “Bakı” haqq etdiyi qələbəni gözəl oyun və möhtəşəm azarkeş dəstəyi sayəsində qazandı”
Venio Moraes: “Rəqib nə qədər çalışsa da, qarşımızı kəsə bilmədi. Ardıcıl ikinci oyunda da qələbə qazanmaqla “Xəzər Lənkəran”dan güclü olduğumuzu sübuta yetirdik”
Saşa Yunisoğlu: “Bakı”nın nəyə qadir olduğunu bütün Azərbaycan gördü. Bir həftə əvvəl Lənkəranda, bu gün isə kubokun finalında layiqli qələbə qazandıq. Bunun səbəbi sadədir - çünki biz “Xəzər Lənkəran”dan üstünük”.
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı