“Oyundan əvvəl demişdim ki, uduzsaq belə, çox təəssüflənməyəcəyəm. Bununla belə, qələbə qazanacağımıza inamım böyük idi. Komandamızın gücünə bələd olduğumdan kuboku qazanacağımıza əmin idim. Çox maraqlı oyun alındı. Futbolçularımız qələbəyə layiq olduqlarını göstərdilər. Komandamızın bütün üzvlərini qələbə münasibəti ilə təbrik edirəm”. Qol.Az-ın “Bakı”nın rəsmi internet saytına istinadən məlumatına görə, bu sözləri “Bakı” Futbol Klubunun prezidenti Hafiz Məmmədov ölkə kubokunun final qarşılaşmasından sonra deyib. Matçdan sonra xeyli sevincli görünən klub prezidenti qələbəyə görə çox şad olduğunu gizlətməyib: “Biz hər zaman futbolumuzun inkişafı naminə çalışırıq və həmişə təmiz mübarizənin tərəfdarı olmuşuq. Həm çempionatın son, həm də kubokun final oyunundan əvvəl çox söz-söhbətlər gəzirdi. Bu gün bir daha sübut etdik ki, bütün bunlar yersizdir və biz həmişə təmiz mübarizə aparmışıq. Bu gün gözəl bir oyun alındı, həm “Bakı”, həm də “Xəzər Lənkəran” baxımlı oyun göstərdi”.
Hafiz Məmmədov baş məşqçi Cüneyt Biçer haqda da fikirlərini bölüşüb: “Cüneyt Biçərin 35 yaşı olmasına baxmayaraq, belə uğur qazanmaqla futbolumuzun tarixinə düşdü. Cüneyt bəyə təşəkkür edirəm”.
“Bakı”nın prezidenti komandasının Avropa Liqasında ölkəmizi layiqincə təmsil etməsi üçün əllərindən gələni edəcəklərini söyləyib: “Fəxri prezidentimiz Anar müəllimlə məsləhətləşəcəyik. Avrokuboklara ciddi hazırlıq olacaq. Komandamızın gücləndirilməsi üçün yeni futbolçular transfer ediləcək. Azərbaycan futbolunun reytinqini yüksək səviyyəyə qaldırmağa çalışacağıq”.
"Qusar"dan darmadağın
Noyerdən yeni rekord
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"
Romario karyerasını bərpa etdi
Futbolçu oyun zamanı infarkt keçirdi, dünyasını dəyişdi
Azərbaycan millisinin rəqibi 2 yoldaşlıq oyunu keçirəcək