13.04.24
Beynəlxalq dərəcəli hakim-inspektor Asim Xudiyev Qol.az-a müsahibə verib. İndiyə qədər 3 dəfə Ermənistan klublarının oyununa təyinat alan A. Xudiyev bunların heç birində neqativ hallarla qarşılaşmadığını bildirib.
- UEFA-dan yeni təyinat almısınız. Avropa Liqasının pley-off mərhələsində keçiriləcək "Astana" (Qazaxıstan) - APOEL (Kipr) oyununun hakim-inspektoru siz olacaqsınız. Bununla bağlı fikirlərinizi, təəssüratlarınızı bilmək maraqlı olardı...
- Adi təyinatdır. Avropa Futbol Təşkilatı təyinat verib. Nə fikir bildirə bilərəm?
- Deyəsən, tez-tez belə təyinatlar aldığınız üçün artıq adiləşib...
- Adi, gözlənilən təyinat idi. İl ərzində təqvimə uyğun olaraq, UEFA məni hər hansı oyuna hakim-inspektor təyin edir. Heç bir problem yoxdur. Gözlənilən təyinatlardan biridir.
- Üç dəfə Ermənistan klublarının beynəlxalq arenadakı oyunlarına təyinat almısınız. Son olaraq da, ötən ay Avropa Liqasının ikinci təsnifat mərhələsinin "Sutyeska" - "Alaşkert" matçında hakim-inspektor vəzifəsini yerinə yetirmisiniz. Həmin oyunlarda hər hansı gərginlik, stress olubmu?
- Heç bir gərginlik olmayıb. Yenə deyirəm, adi təyinatlar, adi oyunlardır. Biz hamımız Avropa Futbol Təşkilatını təmsil edirik və həmişə obyektiv olmağa çalışırıq. Bizim işimiz hakimlərlə əlaqədardır. Klublara heç bir aidiyyatımız yoxdur.
- Bu 3 oyundan hansındasa hər hansı xoşagəlməz hadisə baş veribmi?
- Yox, heç bir hadisə baş verməyib, heç olmamalıdır da. Əgər hakim olsaydım, hansısa bir sual yarana bilərdi. Amma mən hakim-inspektor kimi işimi aparıram. Ona görə də bununla bağlı heç bir sual yaranmır. Düşünürəm ki, bundan sonra da yaranmayacaq.
- Bildirdiniz ki, bunlar sizin üçün adi təyinatlardır. Yəqin ki, hər matçdan öncə klubların nümayəndələri ilə görüşürsünüz. Maraqlıdır, Ermənistan təmsilçisləri azərbaycanlı hakim-inspektorun onların oyununa təyinatını necə qarşılayıb, buna reaksiyaları necə olub?
- Bəli, həmişə rəmzi görüşlər olub. Oyun günü bizdə texniki iclas keçirilir. Həmin iclasda hər iki klubun nümayəndələri ilə qısa görüş olur. UEFA nümayəndəsi də orada iştirak edir. Oyuna aid suallar müzakirə olunur. Heç vaxt başqa bir sual yaranmır. Salam, sağ ol, vəssalam. Bilmirəm, bu, sizə niyə bu qədər maraqlı görünür?
- Sizcə, bu, maraqsız mövzudur ki?
- Yox, sadəcə, bundan əvvəl də yazırdılar ki, azərbaycanlı hakim-inspektor Ermənistan klubunun oyununa təyinat aldı. Bu, adi bir təyinatdır. Başqa heç bir sual doğura bilməz.
- Bəs elə bir oyun olubmu ki, ermənilərdən hakimliklə bağlı sizə hər hansı şikayət, narazılıq olsun?
- O şikayət mənə ola bilməz. Avropa Futbol Təşkilatına öz iradlarını bildirə bilərlər. Amma 3 oyunun heç birində problem olmayıb.
Elnur SALAHOV
_22.01.19.jpg)
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar
Arteta: "Çempionlar Liqasında oynamağı öyrənməliyik"
"Narazılıq olub, təhqir olmayıb"
Noyerdən yeni rekord
AFFA-dan hakimi təhqir edən futbolçuya cəza
"Qəbələ"nin meneceri cəzalandırıldı
AFFA-dan cəza və cərimələr
"Roma" De Rossi ilə bağlı qərarı rəsmən açıqladı
