"Hələ heç bir iş görməmişik" - "Qarabağ"a qol vuran oyunçu

"Hələ heç bir iş görməmişik" - <b style="color:red"> "Qarabağ"a qol vuran oyunçu</b>
ÖLKƏ FUTBOLU 8 Avqust 2018 / 13:06 3346
-  A +

“Fövqəladəə heç nə baş verməyib. Biz öz gücümüzlə qalib gəldik. Əslində hələ heç bir iş görməmişik. Buna görə də bizdə xüsusi sevinc yoxdur”.

Qol.az-ın məlumatına görə, bu sözləri BATE-nin futbolçusu Stanislav Draqun Çempionlar Liqasının 3-cü təsnifat mərhələsində “Qarabağ”la Bakıda keçirilənn oyundan sonra klubun saytına açıqlamasında deyib.

Belarus millisinin üzvü  1:0 hesabı ilə qalib gəldikləri oyunu şərh edib. O, nəticədən razı qaldıqlarını, ancaq bunun rahatlaşmağa əsas vermədiyini bildirib:  “Birinci hissə bizdə yaxşı alındı. Mühüm qol vurduq, sonra isə rəqibə irəlidə oynamağa imkan vermədik. Əks hücumlarda və müdafiədə ağıllı oynadıq. Ancaq “Qarabağ”ın çox keyfiyyətli futboolçuları və güclü baş məşqçisi var. Onlar ikinci hissədə üstünlüyü ələ aldılar, bizə çətin anlar yaşatdılar. Komanda yoldaşlarıma təşəkkür edirəm ki, rəqibin təzyiqi qarşısında dayana bildik”.

Oyunda yeganə qolun müəllif olan Draqun bu barədə də danışıb: “Gözəl qol alındı. Biz Nikolay Siqneviçlə yaxşı başladıq. Pressinq edərək, rəqibi səhv etməyə məcbur etdik. İqor Staseviç topu ələ keçirərək, Siqneviçin hərəkətləndiyi cinaha atdı. O isə gözəl ötürmə verdi. Mənə isə topu boş qapıya vurmaq qalırdı. Bu qolu həyat yoldaşıma və hazırda səhhətində müəyyən problemləri olan qızıma həsr edirəm. Ümid edirəm ki, vurduğum qol və BATE-nin qələbəsi onlara müsbət emosiyalar bəxş edəcək və qızımın sağalmasını sürətləndirəcək". 

Draqun cavab matçının daha çətin olacağını da əlavə edib: “Rəqib sonadək vuruşacaq. Biz isə doğma divarlar arasında məzmunlu oyun göstərmək və daha çox hücum etmək istəyirik". 

 Qeyd edək ki, “Qarabağ”la BATE arasında cavab oyunu avqustun 14-də Borisovda keçiriləcək.

 

 

Daha çox


Son xəbərlər