“Neftçi”nin baş məşqçisi Arif Əsədov Avstriyaya gedir. Bu haqda Qol.Az-a paytaxt klubunun çalışdırıcısı özü xəbər berib. Onun sözlərinə görə, hazırda komanda istirahətə buraxılsa da, transfer çalışmaları durmadan davam etdirilir: “Düzdü, futbolçularımız istirahətdə olsa da, biz hər gün işləyirik. Transfer çalışmalarımız davam edir. Bildiyiniz kimi, futbolçu seçimi ilə bağlı Braziliyada olan vitse-prezidentimiz Tahir Süleymanovla seleksiyaçı-məşqçimiz Bəxtiyar Musayevin də səfəri davam edir. Hazırda flaqman rəhbərliyi bir neçə futbolçu ilə danışıqlar aparır. Bura həm yerli, həm də əcnəbi oyunçular daxildi. Amma konkret bir şey olmadığından ad açıqlamaq istəmirəm. İnşallah, yığmamız Avstriyaya təlim-məşq toplanışına yollananda mən də ora gedəcəyəm. Bəzi gözaltı etdiyimiz futbolçular var ki, həmin ərəfədə keçiriləcək sınaq matçlarında onları iş başında yaxından izləmək istəyirəm. Danışıqlar apardığımız, maraqlandığımız oyunçuların sınaqdan keçirilməsinə gəlincə, bunu həm ölkəmizdə, həm də xaricdə həyata keçirə bilərik. Hər halda bu, həmin oyunçularla danışıqlardan asılı olacaq. Kifayət qədər geniş vaxtımız var. İki təlim-məşq toplanışımız olacaq. Ümidvaram ki, sonda “Neftçi”ni daha da böyük uğurlara daşıya biləcək futbolçularla gücləndirə biləcəyik”.
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar