"Spartak"ın qapıçısı Bakıda Emin Mahmudovla görüşdü

"Spartak"ın qapıçısı Bakıda Emin Mahmudovla görüşdü
XƏBƏR 18 May 2018 / 16:50 3255
-  A +

Moskva "Spartak"ının qapıçısı Artyom Rebrov Azərbaycana gəlib.

Qol.az-ın "championat.com" saytına istinadən yaydığı xəbərə görə, rusiyalı qolkiper bu barədə şəxsi "instaqram" səhifəsində məlumat verib. Rebrov bildirib ki, onu Bakıya buradakı dostları dəvət edib:

"Rusiyanın istənilən hissəsində insanlar var ki, "Spartak" onlar üçün təkcə ad deyil, həyatlarının bir hissəsidir. Onlar görüşlər təşkil edir, fan-klublar yaradır, birlikdə oyunlara baxır və öz regionlarında komandaya dəstək aksiyalarında fəal iştirak edirlər. Dostlarımız tərəfindən Katya (həyat yoldaşı) ilə birlikdə Bakıya dəvət almağımız mənim üçün gözlənilməz və xoş oldu. Biz bilirdik ki, uşaqlar media məkanında fəal iştirak edir, müxtəlif video çəkirlər və bütün futbol mövsümündə klubu dəstəkləyirlər. Görüş və ünsiyyət çox isti alındı. Sağ olun ki, bizimlə birlikdə "Spartak"ı ürək və ruhunuzla sevirsiniz. Daha da inkişaf edin, gənc nəsillərə bu klubun tarixi haqda danışın. Ümid edirik ki, təkcə Bakıda deyil, dünyanın digər şəhərlərində də oxşar fan-klublarımız var".

Qeyd edək ki, Bakının Məhəmmədi kəndindəki "Yanardağ" Dövlət Tarix-Mədəniyyət və Təbiət Qoruğunu ziyarət edən 34 yaşlı qapıçı "Spartak"dan sabiq komanda yoldaşı, hazırda "Neftçi"də çıxış edən Emin Mahmudovla da görüşüb.


 

Daha çox


Son xəbərlər
17.10.18  21:15

Mane əməliyyat olundu

17.10.18  20:30

Venger qayıdır

17.10.18  18:33

Mourinyo cəzalandı