"Zirə"nin baş məşqçisi Ayxan Abbasov Qol.az-a müsahibə verib. Topaz Premyer Liqanın son turunda səfərdə "Sumqayıt"la keçiriəcəkləri vacib oyundan danışan gənc mütəxəssis avrokubok şanslarını dəyərləndirib.
- Topaz Premyer Liqanın son 2 turunda qələbə qazanmaqla avrokubok şanslarını saxladınız. Komanda qara zolaqdan çıxmağı necə bacardı?
- Bundan əvvəl uduzduğumuz oyunlarda da yaxşı təsir bağışlamışdıq. Əslində hər şey qaydasında idi, sadəcə, nəsə çatmırdı. Həmin problemi həll etdikdən sonra işlər yoluna düşdü. Sevinirik ki, 12 oyunluq qələbəsizlik seriyasından sonra komanda özündə güc tapıb geri dönüş edə bildi.
- Çempionatın son turunda səfərdə "Sumqayıt"la qarşılaşacaqsınız. Yəqin ki, 4-cü pillə uğrunda ölüm-dirim oyunu olacaq desək, yanılmarıq...
- Əlbəttə, çox gərgin oyun olacaq. Həm bizim, həm də "Sumqayıt"ın avrokubok şansları var. Rəqib doğma meydanda oynadığı üçün üstünlük hardasa onların tərəfində olacaq. Azarkeş dəstəyini də nəzərə alsaq, düşünürəm ki, bizim üçün asan olmayacaq. Amma var gücümüzlə çalışıb, istədiyimiz nəticəni qazanmağa çalışacağıq.
- "Sumqayıt" son turlarda uğursuz çıxış edir. "Zirə" isə əksinə - son 2 oyunda qələbə qazanıb. Psixoloji baxımından komandanızın daha rahat oynayacağını düşünmək olarmı?
- Futbolda hər şey mümkündür. Özünüz də şahidi oldunuz ki, "Zirə" 12 oyun qələbə qazana bilmədi. Düşünmürəm ki, "Sumqayıt"ın son turlardakı uğursuzluğu bizim üçün üstünlükdür. Yenə deyirəm, rəqib öz meydanında doğma azarkeşləri önündə oynayacaq. Şanslar bərabərdir.
- Mövsümün son və bəlkə də ən vacib oyununda texniki zonada yer alacaqsınız. Sizcə, bu amil komandaya nə dərəcədə müsbət təsir edə bilər?
- Artıq cəzam başa çatıb. Texniki zonada - komandamın yanında olacam. Yəqin ki, bunun futbolçulara faydası olacaq (gülür).
- "Zirə" çempionatı 3-cü pillədə də başa vura bilər. Bunun üçün "Neftçi" Gəncə səfərində xal itirməlidir. Ümumiyyətlə, bürünc medal şanslarınızı necə dəyərləndirirsiniz?
- 3-cü yer uğrunda mübarizədə üstünlük "Neftçi"nin tərəfindədir. Yəni, hər şey öz əllərindədir. Amma Gəncə səfəri hər zaman çətin olub. İnanıram ki, bu dəfə də rəqibə layiqli müqavimət göstərəcəklər. Hər şey ola bilər. Lakin indi bizi daha çox öz oyunumuz maraqlandırır. Elə bir vəziyyətdir ki, arxayınlaşmaq olmaz.
- Ancaq onu da nəzərə alaq ki, birinci diviziona düşəcəyi açıqlanan "Kəpəz" meydana motivasiyasız çıxacaq...
- Düzdür, bu amil komandanın motivasiyasına təsir göstərəcək. Amma bu futboldur. Hər şey ola bilər. Yaxşısı budur, son turu gözləyək. İnanıram ki, hər şey istədiyimiz kimi olacaq.
- Mövsümü 4-cü pillədə başa vursanız, avrokuboklara getmək üçün kubokun finalında "Qəbələ"yə azarkeşlik etməli olacaqsınız...
- Hansısa komandanın qalib gəlməsinə və ya uduzmasına azarkeşlik etmək olar. Dünya futbolunda da belə bir şey var. Hətta "Zirə"nin uduzmağını istəyənlər də olub. Düşünürəm ki, 4-cü pilləni tutandan sonra "Qəbələ"yə azarkeşlik etmək olar (gülür).
- Artıq çempionat başa çatmaq üzrədir. Komandada qalıb-qalmayacağı dəqiqləşən futbolçular var?
- Hələ ki, bunları düşünməyə vaxt yoxdur. Çünki qarşıda olduqca vacib oyunumuz var. Elə bir vəziyyətdəyik ki, yatanda da, duranda da komandanı fikirləşirəm. Ona görə də hələlik kimin gedib, kimin qalacağı haqda heç nə bilinmir. Bütün suallara son turun oyunundan sonra aydınlıq gələcək.
Elnur SALAHOV
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol