"Kəpəz"in baş məşqçisi Yunis Hüseynov Qol.az-a müsahibə verib. Komandasının fasilədən sonrakı çıxışını dəyərləndirən mütəxəssis yeni mövsümlə bağlı planlardan da danışıb.
- Qışda istədiyiniz futbolçuları transfer etsəniz də, komanda fasilədən sonra heç də gözlənilən oyunu sərgiləmir. Səbəbi nədə görürsünüz?
- İstədiyimiz futbolçuları aldıq demək düz çıxmır. Çünki qışda oyunçu transfer etmək çox çətin məsələdir. Bilirsiniz ki, onların klubları ilə müqavilələri olur. Belədə isə tam olaraq, nəzərdə tutduğumuz futbolçuları gətirə bilmirik.
- Onda belə çıxır ki, bu qış aldığınız futbolçular sırf boşluqları doldurmaq üçün məcburiyyətdən edilən transferlərdir?
- Yox, belə də deməzdim. Xahiş edirəm, sözlərimi başqa istiqamətə yöməltməyin. Biz həmin vaxt üçün edə biləcəyimizin ən yaxşısını etdik. Digər tərəfdən, düşünürəm ki, "Kəpəz" fasilədən sonra heç də pis çıxış etmir. 2-3 oyunu çıxmaq şərti ilə, demək olar ki, uduzmamışıq. Oyun var, nəticə yoxdur. Aydın məsələdir ki, tarixdə nəticə qalır. Ancaq mən komandamın oyunundan razıyam. Sadəcə, bəxtsizlik bizə imkan vermir.
- Bəs rəhbərlik necə, onlar da sonuncu pillədə olan komandanın çıxışından razıdırmı?
- Bilirsiniz, mən bura gələndə rəhbərlik qarşıma hansısa hədəf qoymamışdı ki, avrokuboklara düşəcəksən, yaxud da yuxarı pillələrdə qərarlaşacaqsan. Mənə deyilmişdi ki, yaxşı oyun göstərən komanda formalaşdır. Məncə, bu gün nəticə ürəkaçan olmasa da, "Kəpəz" normal futbol sərgiləyir. Deyərdim ki, biz bunu bacardıq. Komanda qış fasiləsindən əvvəl olduğu kimi böyükhesabla uduzmur. Əsas planlar yeni mövsümlə bağlıdır. Əgər Premyer Liqada klubların sayını artırsalar, mən də öz vəzifəmdə qalsam, gələn çempionatda daha iddialı komanda görəcəksiniz.
- İddialı komanda yaratmaq üçün yaxşı maliyyə lazımdır. Deməli, yeni mövsümdən "Kəpəz"in büdcəsi artırılacaq?
- Bu işlə rəhbərlik məşğul olur. Mən büdcə ilə maraqlanmıram. Necə büdcə ayıracaqlarsa, elə də komanda yığacam.
- Yeni mövsümdən Premyer Liqada klubların sayının artırılması müzakirə olunsa da, bu, olmaya da bilər. Belə olan halda "Kəpəz"in aqibəti necə olacaq? Birinci divizionda mübarizə aparacaq?
- Komandaların sayının artırılıb-artırılmayacağını siz jurnalistlər daha yaxşı bilərsiniz. O ki qaldı birinci divizionda oynayıb-oynamayacağına, bu artıq rəhbərliyin biləcəyi işdir.
- Siz komandanın yaxşı oyun sərgilədiyini söyləsəniz də, azarkeşlər eyni fikirdə deyillər. İstər stadionda, istərsə də sosial şəbəkələrdə artıq istefa şüarları yayılmaqdadır. Hətta Şahin Diniyevin vaxtında komandanın daha yaxşı çıxış etdiyini söyləyənlər də az deyil...
- Mən sosial şəbəkələrdən istifadə etmədiyim üçün azarkeşlərin orda nə yazdıqlarını, nəyi müzakirə etdiklərini bilmirəm. Stadionda isə istefa şüarları eşitməmişəm. İstənilən halda azarkeşlərin fikrinə hörmət edirəm. Mən hamının xoşuna gələ bilmərəm. İstəyənlər də sağ olsunlar, istəməyənlər də.
Elnur SALAHOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı