“Sumqayıt”ın müdafiəçisi Rail Məlikov Topaz Premyer Liqanın 24-cü turunda “Qarabağ”a 0:1 hesabı ilə uduzduqları oyundan sonra jurnalistlərin suallarını cavablandırıb. Qol.az-ın məlumatına görə, təcrübəli futbolçu əvvəlcə məğlubiyyəti şərh edib.
- Çempiona qarşı oynadıq. Qarşılaşmaya yaxşı köklənmişdik, amma uduzduq. Rəqibə çox imkan verməsək də, standart vəziyyətdən qol buraxdıq.
- Oyun bitən kimi baş məşqçiniz Samir Abasov hakimlərə hücum çəkdi. Görünür, Ömər Paşayevin qərarlarından narazı qalıb. Hakimliklə bağlı sən nə deyə bilərsən?
- Əvvəllər hakimlər haqda danışmışam. Amma indi nəsə demək istəmirəm. Baş məşqçi əsəbləşibsə, deməli, nəsə görüb.
- Bəs sən özün nəsə gördünmü?
- Görsəm də, bunu açıqlamaq istəmirəm.
- Səncə, bu, “Qarabağ”ın çempionluq matçı olmasaydı, hakim yenə belə idarəçilik edərdi?
- Bu barədə nəsə desəm, doğru olmaz. Çalışırıq ki, xal itirməyək və hədəfimizə doğru gedək. “Qarabağ” üçün nə qədər vacib oyun idisə, bizim üçün də elə idi.
- “Neftçi”nin qələbə qazanması ilə işiniz çətinləşdi. Aradakı xal fərqi 2-yə endi...
- Məncə, işimiz çətinləşmədi. Onlar sadəcə, bizə yaxınlaşdı. Əslində digər komandalara baxmırıq. Öz oyunumuzu oynayırıq. Kiməsə baxsaq, xal itirəcəyik.
- Sanki kubokdakı uğursuzluq komandaya az da olsa təsir edib. Bununla razısan?
- Bu, iki fərqli turnirdir. Onları bir-birinə qatmaq olmaz. Hərəsi üçün ayrıca məşq edib hazırlaşırıq. Ona görə də bir təsiri yoxdur.
- Növbəti turdakı rəqibiniz “Səbail” olacaq. Həmin oyun haqda nə düşünürsən?
- Bundan sonrakı hər matça final kimi çıxacağıq. "Səbail"lə oyun ağır olacaq. İtkisiz çıxmaq istəyirik. Doğma meydan amili də bizə kömək edəcək.
"Qusar"dan darmadağın
Noyerdən yeni rekord
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"
Romario karyerasını bərpa etdi
Futbolçu oyun zamanı infarkt keçirdi, dünyasını dəyişdi
Azərbaycan millisinin rəqibi 2 yoldaşlıq oyunu keçirəcək
Mbappe İbrahimoviç və Şevçenkoya çatdı
Luis Enrike: "Mbappe əvvəldən sona qədər əsl lider idi"