“Hakimin qərarları məni məyus etdi” – Comal Uilyams

“Hakimin qərarları məni məyus etdi” – <b style="color:red"> Comal Uilyams</b>
ÖLKƏ FUTBOLU 16 Aprel 2018 / 19:40 2738
-  A +

“Zirə”nin hücumçusu Comal Uilyams Qol.az-a müsahibə verib. Topaz Premyer Liqanın 23-cü turunda “Neftçi”yə 0:3 hesablı məğlubiyyəti şərh edən trinidad və tobaqolu futbolçu görüşün baş hakimi Rəhim Həsənovun idarəçiliyinə də toxunub.

- Əvvəlcə dünənki oyun haqda fikirlərinizi bilmək istərdim. Məğlubiyyətə nə səbəb oldu?

- Oyuna pis başlamamışdıq. İlk dəqiqələrdən meydanda başabaş mübarizə gedirdi. Hətta penaltidən erkən qol buraxdıqdan sonra da komandamız yaxşı təsir bağışlayırdı. Sonradan isə hər şey əleyhimizə işləməyə başladı.

- Oyunun baş hakimi Rəhim Həsənovun idarəçiliyi barədə nə deyə bilərsiniz?

- Məni məyus edən məqamlardan biri məhz hakimlik oldu. Bəzi epizodlarda lehimizə qərar verməli olduğu halda hakimin fiti susdu. Bu isə oyunumuza təsirsiz ötüşmədi.

- Komanda yoldaşınız Yani Urdinovun qırmızı vərəqə aldığı epizod haqda nə düşünürsünüz?

- Epizodla bağlı dəqiq bir söz deyə bilməyəcəm. Amma 10 nəfərlə qalmağımız bizi daha da çətin vəziyyətə saldı. Bu futboldur. Hər şeyə hazır olmaq lazımdır.

- Fasilədən sonra “Zirə” özünə gələ bilmir. Komandada nə baş verir?

- Məncə, bunun başlıca səbəbi şanssızlıqdır. Hər oyunda kifayət qədər qol imkanı yaradırıq. Amma yararlana bilmirik. Sanki uğur bizdən qaçır.

- “Zirə”yə gələndən cəmi 1 qol vurmusunuz...

- Mən də bu komandanın bir hissəsiyəm. Hər bir hücumçu kimi qol vurmaq istəyirəm. Təəssüflər olsun, hələ ki, şans mənimlə deyil. Məşqlərdə bunun üzərində daha yaxşı çalışacağam.

- Ayxan Abbasovla azarkeşlər arasındakı qalmaqala münasibətinizi bilmək də maraqlı olardı...

- Üzrlü sayın, bu barədə nəsə deyə bilməyəcəm. Çünki şərh vermək istəmirəm.

Elnur SALAHOV

 

Daha çox


Son xəbərlər
15.12.18  14:11

Navas "Real"da qalır

14.12.18  22:33

Roys birinci oldu

14.12.18  21:05

Yalquzaq