"Düzgün qərarlar versəydi, hesab 3:1 olardı" - Stankoviç

"Düzgün qərarlar versəydi, hesab 3:1 olardı" - Stankoviç
XƏBƏR 13 Mart 2018 / 22:43 2842
-  A +

"Qalib gələ bilərdik. Təəssüf ki, belə alındı. Bir xalla kifayətlənməli olduq".

Qol.az-ın məlumatına görə, bu sözləri “Qəbələ”nin müdafiəçisi Voislav Stankoviç Topaz Premyer Liqanın 20-ci turunda “Keşlə” ilə heç-heçə etdikləri oyundan sonra jurnalistlərə açıqlamasında deyib. Qarşılaşma ilə bağlı fikirlərini açıqlayan serbiyalı futbolçu ikinci hissənin ortalarında cərimə meydançasında rəqib komandanın üzvü Taşkın İltərə qarşı olan mübahisəli epizoda da şərh verib:

“Həmin vaxt topa azca toxundum, amma uzaqlaşdıra bilmədim. Bunun da nəticəsində ayağım rəqibin ayağına dəydi və o, yıxıldı”.

Öz qapısına vurduğu qolla komandasını qələbədən edən Stankoviç karyerasında ilk dəfə avtoqol etdiyini bildirib: “İlk dəfədir ki, öz qapımıza qol vururam. Ümumiyyətlə, son oyunlarda müdafiədə səhvlər edirik. Səbəbini bilmirəm. Amma futbolda belə şeylər olur”.

Təcrübəli futbolçu görüşün baş hakimi Ömər Paşayevin idarəçiliyindən də söz açıb: “Bəlkə də mən dəqiq görməmişəm, amma komanda yoldaşlarımın dediyinə görə, uzatma dəqiqələrində Ruslanın vurduğu qolda oyundan kənar vəziyyət yox idi. Bundan başqa, bir epizodda baş hakim lehimizə təmiz penalti təyin etmədi. Düzgün qərarlar versəydi, hesab 3:1 olardı”.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı