"Hamı buna görə pis olub" - "Keşlə"nin legioneri

"Hamı buna görə pis olub" - <b style="color:red"> "Keşlə"nin legioneri</b>
ÖLKƏ FUTBOLU 9 Mart 2018 / 22:25 3900
-  A +

“Keşlə”nin yarımmüdafiəçisi Ebrima Sohna Topaz Premyer Liqanın 19-cu turunda səfərdə “Neftçi”yə uduzduqları oyundan (2:3) sonra jurnalsitlərin suallarını cavablandırıb.

Qol.az-ın məlumatına görə, qambiyalı futbolçu əvvəlcə qarşılaşma ilə bağlı fikirlərini açıqlayıb.

- Çətin və maraqlı oyun oldu. Xal qazana bilərdik, amma alınmadı. Rəqib səhvlərimizdən və ələ düşən imkanlardan maksimum yararlandı.

- Məğlubiyyətə səbəb “Keşlə”nin səhvləri oldu, yoxsa bu gün “Neftçi” sizdən daha yaxşı idi?

- Rəqib yaxşı komandadırsa, sənin səhvlərindən mütləq istifadə edəcək. Biz səhv etdik, onlar da yararlandılar.

- Oyundan sonra baş məşqçi, klub prezidenti sizə nə dedi? Yuri Maksimov mətbuat konfransında istefa verə biləcəyini söylədi...

- Klub prezidenti qələbə qazanmağımızı istəyirdi. Amma alınmadı. Hamı buna görə pis olub. Eləcə də baş məşqçi. Adətən qələbə qazananda hamı rahat olur. Məğlubiyyət isə özü ilə stress gətirir.

- 65-ci dəqiqədə əvəzləndin. Bu nə ilə bağlı idi?

- Mən 90 dəqiqə oynamağa hazıram. Amma bəzən məcburiyyətdən müəyyən taktiki  gedişlər etmək lazım gəlir. Belədə isə bir oyunçunu digəri ilə əvəzləməli olursan. Hakim mənə sarı vərəqə göstərmişdi. Bəlkə də “qırmızı” almamaq üçün əvəzləndim.

- Artıq əminliklə deyə bilərik ki, Avroliqa üçün yeganə yol kubokdan keçir?

- Artıq çempionatda yer tutub, Avroliqaya vəsiqə qazanmağımız çətin görünür. Kubokda cəmi 2 oyunda qalib gələ bilsək, istəyimizə çata bilərik. Finala çıxsaq, işin böyük hissəsini görmüş olacağıq.
 

Daha çox


Son xəbərlər
23.10.18  15:30

Ya Konte, ya da Hazard

23.10.18  00:53

"Arsenal"dan qələbə