"Çelsi"nin sabiq üzvü "Keşlə"yə keçir

"Çelsi"nin sabiq üzvü "Keşlə"yə keçir
XƏBƏR 23 Yanvar 2018 / 14:39 8348
-  A +

"Keşlə" heyətini daha bir futbolçu ilə gücləndirir.

Klubdan Qol.az-a verilən məlumata görə, paytaxt təmsilçisi Qambiya millisinin üzvü Ebrima Sohnanı transfer etməyə hazırlaşır. 29 yaşlı yarımmüdafiəçi "Keşlə"nin düşərgəsinə Antalyada qoşulacaq. Onunla mövsümün sonuna qədər müqavilə imzalanacağı gözlənilir.

Qeyd edək ki, futbola ölkəsinin "Vallidan" klubunda başlayan Sohna 2005-ci ildə İngiltərə nəhəngi "Çelsi"yə transfer olunub. London klubunda möhkəmlənə bilməyən yarımmüdafiəçi daha sonra Norveçin "Sandefyord", Finlandiyanın "RoPS" və "KuPS", Qazaxıstanın "Vostok" və Küveytin "Al-Arabi" klublarında çıxış edib. "Keşlə"nin yeni transferi Andre Klennon kimi, Sohnanın da son klubu Finlandiyanın VPS komandası olub.


Son xəbərlər
27.03.24  21:58

Keyn sağaldı