Rusiyanın gənclərdən ibarət yığması və Moskva “Spartak”ının azərbaycanlı yarımmüdafiəçisi Ayaz Quliyev Qol.az saytına müsahibə verib. Azərbaycan millisinə çağırılması gündəmdə olan istedadlı futbolçu maraqlı fikirlər səsləndirib.
- Bir azərbaycanlı futbolçu kimi özünü Rusiya Premyer Liqasında necə hiss edirsən?
- Rusiyada böyüdüyüm üçün hər şey normaldır. “Spartak”ın yetirməsiyəm. Hazırda da doğma klubumda oynayıram. Özümü burada yaxşı hiss edirəm. Mənim üçün Rusiya Premyer Liqasında çıxış etmək çətin deyil.
- “Anji”nin əsas heyətində oynasan da, yenidən “Spartak”a qayıtdın. Səncə, Moskva klubunda möhkəmlənə biləcəksən?
- Hələ ki, hamı istirahətdədir. Ona görə də nəsə deyə bilmirəm. Bəlkə “Spartak”da qaldım. Bəlkə də başqa bir kluba keçərəm. Məni yenidən icarəyə də verə bilərlər. Hər şey ola bilər.
- AFFA-nın baş katibi Elxan Məmmədov deyib ki, tez-tez Ayazla əlaqə saxlayırıq. Axırıncı dəfə nə vaxt danışmısınız?
- Açığı, axırıncı dəfə Elxan Məmmədovla nə vaxt danışdığımız yadımda deyil. Çünki tarixi dəqiq xatırlamıram.
- Sənə Azərbaycan millisində oynamaq təklif olunub?
- AFFA mənə hələlik belə bir təklif göndərməyib. Sadəcə, zəng vururlar, bir həmyerli kimi söhbət edirik. Bu qədər.
- Azərbaycan millisində oynamaq variantın var. Hazırda da bu məsələ müzakirə olunur. Maraqlıdır, təklif gəlsə, Aleksandr Səmədovun yolu ilə gedəcəksən, yoxsa Ramil Şeydayevin?
- Niyə Səmədov və ya Şeydayevin yolu ilə getməliyəm?! Üçüncü variant da var. Mən özümün, Ayaz Quliyevin yolu ilə gedəcəm. Tək mən yox, bütün futbolçular belədir. Hər bir futbolçunun - həm Şeydayevin, həm Səmədovun, həm də Quliyevin öz yolu var.
- Bəs Qurban Qurbanov özü səninlə əlaqə saxlayıb?
- Yox, Qurban Qurbanovla telefonda danışmamışıq.
- Millimizin baş məşqçisi deyib ki, Ayaz Quliyevi də xaricdə çıxış edən digər azərbaycanlılar kimi diqqətdə saxlayıram. Qurbanovun bu sözləri sənə nə dərəcədə stimul verdi?
- Əlbəttə ki, milli komandanın baş məşqçisinin haqqımda bu cür sözlər işlətməsi mənə xoş təsir bağışlayır. Fikrimcə, hamı mənim kimi düşünür.
- Ümumiyyətlə, özünü Azərbaycan yığmasında oynamağa hazır hesab edirsən?
- Bu suala necə cavab verəcəyimi bilmirəm. Çünki nəsə desəm, başlayacaqlar ki, Ayaz Quliyev Azərbaycan millisində oynamağa razılıq verdi. Ona görə də hələlik bu barədə danışmayaq.
Elnur SALAHOV
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq