“Neftçi”nin baş məşqçisi Tərlan Əhmədov Azərbaycan kubokunun 1/4 final mərhələsində “Zirə”yə 2:0 hesabı ilə qalib gəldikləri cavab oyunundan sonramətbuat konfransında jurnalistlərin suallarını cavablandırıb. Qol.az-ın məlumatına görə, o, əvvəlcə matçla bağlı fikirlərini bildirib:
- İlk növbədə bizi dəstəkləyən azarkeşlərimizə təşəkkür edirəm. Bu qələbədə onların payı çoxdur. İlk hissədə daha maraqlı oynadıq. Ancaq ikinci hissədə rəqib bizi geriyə oturmağa məcbur etdi. Kubok oyunu həmişə belə aqressiv keçir. 2017-ci ili qələbə ilə başa vurduq. Buna görə, klub rəhbərliyini, futbolçuları və azarkeşləri təbrik edirəm.
- Erreraya oyun zamanı narazılığınız oldu. Onu buna görə əvəzlədiniz?
- Onun artıq gücü tükənmişdi. Bu oyunun aqressivliyi hiss olunurdu. “Neftçi” son illərdə “Zirə”yə qalib gələ bilmirdi. Errera son dəqiqələrdə yorulmuşdu.
- Qış hazırlığı planı hazırdır?
- Bəli, hazırdır. Ayın 5-dən hazırlığa başlayacağıq. Toplanış barədə mətbuat xidməti ətraflı məlumat verəcək. Mənim işim komandanı hazırlamaqdır.
- Namiq Ələsgərovun oyunu barədə nə deyə bilərsiniz?
- Elə oyunçular var ki, potensialından çox aşağı oynayır. Onlardan biri də Namiqdir. Mən hələ də, onun potensialını aça bilmirəm. Bura “Neftçi”dir. Bu komandaya 7-8-ci yeri tutmağa gəlməmişəm. Komanda güclənməlidir, rəqabət olmalıdır. İstərdim ki, 3 eyni səviyyəli qapıçımız olsun. Son oyunlarda Allaha yalvarıram ki, Rəşad Əzizliyə heç nə olmasın. Çünki ehtiyat qapıçımız yoxdur.
- Nizami Hacıyev maraqlandığınız futbolçulardan idi. Ancaq onun bağışlanmaq ehtimalı var. Bağışlansa, onun komandaya transferi nə dərəcədə mümkündür?
- Apellyasiya verib, təmiz çıxarsa... Bu, təkcə mənim işim deyil. Komandanın rəhbərliyi var. Müzakirə olunmalıdır. “Neftçi” tarixi olan komandadır. Nizamini artıq gündəmdən çıxarmışıq. Belə məsələlərdə diqqətli olmalıyıq. Klubun imicindən söhbət gedir.
- Elnur Süleymanovun əsgərlikdə olduğu deyilir...
- Elnur AZAL-da mənim rəhbərliyim altında çıxış edib. Potensialına bələdəm. Onun harda olmasını menecerindən soruşun.
- Mirabdulla Abbasovun oyunu barədə nə deyə bilərsiniz?
- Onun potensialı çoxdur. Son illərdə Azərbaycanda onun kimi hücumçu yetişməyib. Lakin onun ən pis xüsusiyyəti tənbəlliyidir. Bu oyunun da sonlarında damarı damarının üstünə çıxmışdı. Bizim futbolçular elədir ki, yumruq başlarının üstündə olmasa, yaxşı oynamırlar.
- Bu oyunu millinin baş məşqçisi Qurban Qurbanov da izlədi. Onunla görüşmüsünüz?
- Hələ ki, görüşmək qismət olmayıb. Çünki vaxt məhdudiyyəti var. Lakin irəlidə görüşərək, fikir mübadiləsi apara bilərik.
- Namiq Ələsgərov qışda komandadan ayrılacaq?
- Xeyr, onun ayrılması gündəmdə deyil.
Klopp üzr istədi
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi