"Çelsi"yə 0:6 hesabı ilə uduzsaq da..." - “Qarabağ”ın məşqçisi

"Çelsi"yə 0:6 hesabı ilə uduzsaq da..." -  “Qarabağ”ın məşqçisi
GÜNDƏM 18 Oktyabr 2017 / 11:30 4366
-  A +

"Qarabağ itirilməyib, klubun qəlbindədir. Qarabağdakı müharibə kluba böyük təsir edib”.

Qol.az-ın məlumatına görə, bu sözləri “Qarabağ”ın fiziki hazırlıq üzrə məşqçisi Ruben Selles deyib.

İspaniyalı məşqçi Çempionlar Liqasının qrup mərhələsinin 3-cü turunda “Atletiko” ilə bu gün keçiriləcək oyunla bağlı ölkəsinin "larazon.es" nəşrinə açıqlama verib.

O, əvvəlcə "Qarabağ"ın tarixi haqda danışıb: "İki futbolçumuz və vaxtilə "Qarabağ"da futbolçu kimi çıxış etmiş məşqçimiz də müharibə bölgəsindəndir. Futbolçumuz Qara Qarayev məcburi köçkün düşərgəsində böyüyüb. “Qarabağ” rəhbərliyi ildə 1 dəfə mərasim təşkil edərək, veteranlarla görüşür. Çempionat oyunlarında Tofiq Bəhramov stadionunda banner açılır. Həmin bannerdə “Qarabağ”ın keçmiş baş məşqçisi, müharibə zamanı şəhid olmuş, milli qəhrəman Allahverdi Bağırovun şəkli yer alıb. Hazırda işğal altında olan şəhəri təsəvvür etmək çox çətindir. Ümid edirəm ki, klub qısa müddətdən sonra yenidən doğma məkana qayıdar”.

Selles "Qarabağ"ın Çempionlar Liqasının qrup mərhələsinə vəsiqə qazanmasını Azərbaycan üçün tarixi hadisə adlandırıb:  “Çelsi”, “Roma” və “Atletiko” bizim üçün çox təhlükəli komandalardı. Londonda 0:6 hesabı ilə uduzsaq da, “Roma” ilə evdəki qarşılaşmada minimal hesabla məğlub olduq. Sona qədər mübarizə aparıb, rəqibi təzyiqdə saxlaya bildik. “Atletiko” ilə matçda da oyun üslubumuza sadiq qalacağıq. Topu özümüzdə daha çox saxlamağa çalışacağıq”.

Daha çox


Son xəbərlər
27.03.24  21:58

Keyn sağaldı