“İstərdim ki, Prosineçki qalsın” – Rahid

“İstərdim ki, Prosineçki qalsın” – Rahid
MÜSAHİBƏ 13 Oktyabr 2017 / 22:40 4075
-  A +

“Qarabağ”ın yarımmüdafiəçisi Rahid Əmirquliyev Topaz Premyer Liqanın 8-ci turunda “İnter”ə qalib gəldikləri oyundan (2:0) sonra jurnalistlərin suallarını cavablandırıb.


- Qalibi mühakimə etməzlər. Oyununuz heç cür alınmırdı. Bu, nə ilə bağlı idi?

- Meydança elə vəziyyətdədir ki, oynamaq çox çətindir. Nə top saxlamaq olur, nə ötürmə vermək. Meydança çox bərbaddır. Ona görə də istədiyimiz kimi oynaya bilmədik.

- Amma istənilən halda yəqin ki, bu qələbə “Atletiko” ilə oyunöncəsi yaxşı motivasiya ola bilər...

- Əlbəttə. Qələbə qazanmağımız yaxşı oldu. Liderik, bunu qorumaq lazım idi. Bu səbəbdən də meydana qələbə üçün çıxmışdıq.

- Bu gedişlə 2-ci dövrənin sonuna kimi rəqiblərlə xal fərqini artıra bilərsiz. Düşünmürsən ki, belədə ciddi üstünlük yarana bilər?

- Ola bilər. Ancaq biz hər oyuna eyni motivasiya ilə çıxırıq. Əsas məqsədimiz hər oyunda 3 xal qazanmaqdır. Daha fikirləşmirik ki, kim xal itirər, kim itirməz. Bizə öz oyunumuz maraqlıdır.

- Qarşıda sizi “Atletiko” ilə oyun gözləyir. Bu barədə nə deyə bilərsən?

- “Atletiko” ÇL-də son 3 ildə 2 dəfə final oynayıb. Çətin oyun olacaq. Bu oyun həm də bizim üçüb yaxşı təcrübədir. Çalışacağıq ki, xalqımız üçün baxımlı oyun göstərək. Əlbəttə, nəticə də vacibdir. Əlimizdən gələni edəcəyik.

- Bəs sensasiyaya necə, inanırsızmı?

- Biz özümüzə inanırıq. Amma reallıq budur ki, “Atletiko” güclü komandadır. Meydana vaxt keçirmək üçün çıxmayacağıq. 3 xal üçün oynayacağıq.

- Millidə kapitan olmağın Robert Prosineçkiyə düşmədi. Azərbaycandan gedəcəyi gözlənilir. Necə düşünürsən, Prosineçki qalmalıdı, yoxsa getməli?

- Bu, AFFA-nın işidir. Onlar daha yaxşı bilərlər. Mən istəyərdim ki, Prosineçki qalsın, işinə davam eləsin. Yekun qərarı AFFA verəcək.

- Almaniya ilə oyunda himnimizi oxumamağına görə tənqidlər çox oldu. Himnimizi bilmirsən, yoxsa həyəcanla bağlı idi?

- Yox, həyəcan deməzdim. Həyəcan deyildi. Yəqin ki, hansısa epizod olub. Amma bu o demək deyil ki, himni bilmirəm. Kimin şübhəsi varsa,  gəlsin, himni şəxsən onun üçün oxuyum.

- Oyundan sonra Prosineçki sizinlə vidalaşdı?

- Biz ölkəmizə qayıtdıq, o da sağollaşıb getdi Xorvatiyaya. Başqa cür vidalaşmadı. Ənənəvi sağollaşma idi. Dedi ki, Bakıya qayıdacağam.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı