"Neftçi"nin qapıçısı Səlahət Ağayev Topaz Premyer Liqanın 4-cü turunda səfərdə "Sumqayıt"a 0:1 hesabı ilə uduzduqları matçdan sonra brifinq keçirib.
- Oyunu necə dəyərləndirərdiniz?
- Birinci hissəyə yaxşı başlamadıq, ikinci yarıda uşaqlar özlərini toparladı. Bir sözlə, bəxtimiz gətirmədi.
- İkinci hissədə komanda nəyin hesabına yaxşı oyun göstərdi?
- Məğlub olurduq. Komandada hər bir oyunçu peşəkardır və istəyirdi ki, önə atılsın. Baş məşqçinin də ikinci hissədəki əvəzləmələri öz bəhrəsini verdi, komanda daha da irəli atılırdı. Ancaq qol vura bilmədik.
- Tərlan Əhmədovun komandaya gəlməsi üzərinizdə hər hansı bir basqı yaratmır?
- Xeyr. Heç bir basqı yaratmır. Tərlan Əhmədov gəlirsə, xoş gəlir. Bir futbolçu kimi onunla da, Elşad Əhmədovla da, Elxan Abdullayevlə də işləmək mənim üçün xoşdur.
- Yeni baş məşqçinin gəlişi barədə sizə məlumat verilmişdi?
- Xeyr. Dəqiq bir məlumat verməmişdilər. Mətbuatda görmüşdüm.
-Bu oyundan sonra Elşad Əhmədov "Bu axırıncı oyunumuzdur" deyə sizinlə sağollaşdı?
- Xeyr. Elə bir şey olmadı. Sabah da məşqimiz var.
- Emin Mahmudovun komandanıza gəlməyi barədə nə deyə bilərsən?
- Onu indi sizdən eşidirəm.
- Gələn baş məşqçi neynəməlidir ki, "Neftçi" oyansın? Komandanı bu durumdan kim və necə çıxara bilər? Təcrübəli futbolçu kimi bu haqda nə düşünürsən?
- Hər bir baş məşqçinin öz oyun üslubu var. Elə məşqçi var ki, gəlir və heç nə edə bilmir. Sonda da komandanı atıb gedir. Böyüklərdən də çox şey asılıdır. Komandanın üzərini necə deyərlər, "qara bulud" alıb. Mən "Neftçi"yə gələndən, futbolçu kimi özümü xoşbəxt saya bilmirəm. Nə qədər uduzmaq olar? Nə qədər belə bəsit oynamaq olar? Çox acınacaqlı vəziyyətlərə düşmüşük. Hər oyuna yeni ümidlə çıxırıq...
- Peşmançılıq var?
- Xeyr, heç bir peşmançılıq yoxdur. "Neftçi" elə bir komanda deyil ki, peşman olasan. Futbolda belə hallar olur. Yaxşı və təcrübəli futbolçu belə vəziyyətdən çıxa bilər. Əlimizdən gələni edib bu vəziyyətdən çıxmalıyıq. Başqa yol yoxdur.
- Düşünürsənmi ki, təcrübəli oyunçu kimi hər bir futbolçu ilə bu barədə söhbət etməlisiniz?
- Hər biri ilə təkbətək söhbət etmişik. "Neftçi"də elə bir mühit yaranıb ki, oyuna çıxdıqda qalib gəlmək barədə psixoloji hazırlıq yoxdur. Oyunlar olub ki, özümüz toplaşaraq söhbətləşmişik. Bundan artıq nə edə bilərik? Bir nəfərin üzərinə düşməklə olmur. Pis oynayanda bütün komanda pis oynayır, yaxşı oynayanda da bəxtimiz gətirmir.
- Söhbət etdiyiniz an legionerlərin üz ifadələrinə baxanda nə hiss edirsən?
- O da legionerdir, oynamaq istəyir. Onlarla da təkbətək söhbət etmişəm. Bu durumun onlara da xoş olmadığını bildirirlər. Onlar da bunu dərk edir ki, hazırki vəziyyət çox pisdir.
Mənbə: report.az
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar
Arteta: "Çempionlar Liqasında oynamağı öyrənməliyik"
"Narazılıq olub, təhqir olmayıb"
Noyerdən yeni rekord
AFFA-dan hakimi təhqir edən futbolçuya cəza
"Qəbələ"nin meneceri cəzalandırıldı
AFFA-dan cəza və cərimələr
"Roma" De Rossi ilə bağlı qərarı rəsmən açıqladı