Tahir Gözəl "Qarabağ"ın sabiq məşqçisi ilə görüşdü - Şəkil

Tahir Gözəl "Qarabağ"ın sabiq məşqçisi ilə görüşdü -  Şəkil
XƏBƏR 21 Avqust 2017 / 18:10 6851
-  A +

"Qarabağ"ın vitse-prezidenti Tahir Gözəl Türkiyənin tanınmış uşaq məşqçisi Həmdi Serpil Tüzünlə görüşüb.

Qol.az-ın klubun saytına istinadən yaydığı xəbərə görə, vaxtilə "Qarabağ"da çalışmış Serpil Tüzünün yorğunluqla əlaqədar, səhhətində problem yaranıb.

Bundan xəbər tutan Tahir Gözəl məşqçini ziyarət edib. O, Tüzünlə "Qarabağ"dan, onun verdiyi xidmətlərdən, danışıb. Məşqçinin səhhəti ilə maraqlanan vitse-prezident ona şəfa diləyib.
 
Həmdi Serpil Tüzün 2004-cü ildə “Qarabağ”ın uşaq futbol akademiyasına dəvət olunub. Məhz onun rəhbərliyi altında Ağdam klubu ilk dəfə müxtəlif yaş qrupları üzrə seçimlər edib. Bu seçimlərə Qara Qarayev, Əfran İsmayılov, Rauf Əliyev və Maksim Medvedev kimi futbolçular qatılıb. Serpil Tüzün 2005-ci ildə işinin ilk mərhələsini uğurla başa vuraraq Türkiyəyə qayıdıb və 2010-cu ildə yenidən “Qarabağ”a dəvət olunub. Hazırda əsas komandada çıxış edən Eltun Turabov, Zaur Fərzəliyev, Məmməd Hüseynov və Turan Manafov kimi gənclərin önünü açan da məhz Tüzün olub. O, 2012-ci ildə şəxsi problemləri ilə əlaqədar, Azərbaycanı tərk etmək qərarına gəlib.


Daha çox


Son xəbərlər