Serbiya "Mladost"unu 5:0-la keçən "İnter" bu axşam saat 20.00-da 3-cü mərhələyə vəsiqənin taleyini Bakıda həll etmək üçün "Dalğa Arena"ya çıxacaq.
Lüksemburq deyəndə ağlımıza həvəskar futbolçulara avrokubok tariximizdə rekord sayda qol vurmaq arzusu yaranır (hər ehtimala qarşı deyim ki, bunun üçün 6 qol vurmaq bəsdi). Əslində isə rəqib kağız üzərində göründüyü kimi zəif deyil!
Moldova "Milsami"sini evdə məğlub edən, səfərdə isə qollu bərabərliyə nail Ceff Ştrasserin yetirmələri "İnter" üçün kifayət qədər problem yarada bilər. Bu ad-soyad futbol həvəskarlarına yaxşı tanışdı. Bəli, bu həmin Ceff Ştrasserdi ki, futbolçu kimi "Mets"də, "Strasburq"da, "Kayzerslautern"də, Münhenqladbax "Borussiya"sında illər keçirib. Hazırda gənc mütəxəssis Eş şəhərini təmsil edən klubu çalışdırır. Lüksemburq millisinin tarixinə ən çox oyun keçirən futbolçu kimi düşən Ştrasser "Fola"nın tarixinə də adınə yazdırmağı bacarıb. Baş məşqçisi olduğu klub "Milsami" zəfəri ilə avrokuboklarda ilk dəfə mərhələ keçib. Heç şübhəsiz bu məqam "İnter"in əleyhinədi. Çünki tarixi uğurdan ruhlanan qonaqların psixoloji durumu çox yüksəkdi və onlar daha bir zəfər qazanmaq niyətindədi.
"Həvəskar" olaraq düşündüyümüz komandanın 19 yaşlı müdafiəçisi Enes Mahmutoviçi mayın sonu İngiltərə "Midlsbro"su transfer edib. Mövsümdə ən çox qol vuran iki yarımmüdafiəçi də komandadan gedib -19 oyunda 13 qola imza atan Emmanuel Fransuaz artıq yeni klubun "Proqress"in "Qlazqo Reyncers" üzərində səs-küylü qələbəsində iştirak edib, aktivində 9 qol olan 22 yaşlı portuqaliyalı sol vinger Jerson Rodriqes isə hələlik sərbəst agentdi.
Bu itkilərə baxmayaraq "Fola" əsas bombardiri - mərakeşli Samir Hacını qoruya bilib. Komandanı tərk edən futbolçuların yerinə isə kifayət qədər sanballı transferlər edib ki, Belçika "Muskron"undan alınan Korentin Kokürü xüsusi qeyd etmək olar.
"Midlsboro"ya gedən Mahmutoviçin əvəzinə alınan Peter Krappa "İnter" azarkeşlərinə çox yaxşı tanışdı. 2011/2012 mövsümündə Bakı klubunun şərəfini qorumuş slovakiyalı mərkəz müdafiəçisi keçmiş komandasına qarşı xüsusi canfəşanlıq göstərəcək. "Fola"nın digər mərkəz müdafiəçisi və kapitanı Yulien Kleyn də komandanın aparıcı futbolçularındandı. Eyni sözləri bir zamanlar "Xəzər Lənkəran"ın şərəfini qorumuş dayaq yarımmüdafiəçisi Veldin Muharemoviç haqda da demək olar. Təcrübəli bosniyalıya həm müdafiə olunmağa həm də hücum etməyə kömək edəcək Yakob Dallevedov "Fola"nın ən təhlükəli oyunçularındandı. Təsadüfi deyil ki, 10 nömrəni daşıyan almaniyalı "Milsami" ilə hər iki oyunda qol vurmağı bacarıb.
Komandanın bombardiri Samir Hacı da "Milsami" ilə oyunda adını tabloya yazdırıb. Ümumiyyətlə, 1.90 boyu olan mərkəz hücumçusu "Fola"da keçirdiyi 143 oyuna 78 qol vurmağı bacarıb və Zaur Svanadze əbəs yerə ondan çəkinmir.
Göründüyü kimi lüksemburqlular təsəvvür etdiyimiz qədər zəif deyil. Bukmekerlərin "İnter"in qələbə və mərhələ keçmə şanslarını fantastik dərəcədə yüksək dəyərləndirməsinin səbəbi isə çox güman "Mladost" üzərində inamlı qələbə və avrokubok təcrübəsi olan, oturuşmuş heyətdi. Ümid edək ki, bukmekerlərin proqnozları tam doğrulacaq. Bukmekerlər "İnter"i "Qarabağ"dan daha şanslı sayır. Belə çıxır ki, "İnter" 5:0 hesablı qələbə qazananan "Qarabağ"dan daha böyükhesablı uğur əldə edəcək. Sıxıntı içində olan "İnter"in ən azı maddi baxımdan, ölkəmizin isə reytinqinə görə hər iki oyunda qələbəyə ehtiyacı var. Amma Rauf Əliyev və yoldaşlarının 6-7, bəlkə də daha çox qol vurmaları bir az fantastik görünür.
Hərçənd bukmekerlər "İnter"in bu gün "Fola"nı darmadağın edəcəyini düşünür. Onu da qeyd edim ki, indiyəcən avrokuboklarda ən böyükhesablı qələbəmizi Estoniyada "Narva"nı 5:0 məğlub edən "İnter" qazanmışdı. Dünən "Qarabağ" Svanadzenin komandasının rekorduna şərik çıxdı.
Bu gün isə söz "İnter"indi!
Anar SABANOĞLU
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil
İngiltərə millisinin üzvü Avro-2024-ü buraxacaq
"Zirə"nin hücumçusu Niger millisində oyuna çıxdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı