"Qəbələ"nin Zalsburq toplanışı başladı

"Qəbələ"nin Zalsburq toplanışı başladı
XƏBƏR 28 İyun 2017 / 14:27 2355
-  A +

“Qəbələ” 2017/18 mövsümünə hazırlıq çərçivəsində ikinci təlim məşq-toplanışına start verib.

Qol.az-ın klubun saytına istinadən yaydığı xəbərə görə, “qırmızı-qaralar” iyunun 27-də Avstriyanın Zalsburq bölgəsində bir araya gəlib. Komanda toplanışın ilk gününü bir məşqlə tamamlayıb. Günün ikinci yarısına təsadüf edən hazırlıq prosesi toplu çalışmalardan ibarət olub. Bu günə iki məşq nəzərdə tutulub. İlk hazırlıqda fiziki hazırlıq üzərində çalışacaq komanda günün ikinci yarısında meydanda məşq edəcək.

Xatırladaq ki, iyunun 3-də Bakıda bir araya gəlib, ayın 7-23-də Avstriyanın Tirol bölgəsində İnnsburk şəhəri yaxınlığındakı Fulpmes qəsəbəsində təlim-məşq toplanışında olan “Qəbələ”nin hazırlıq prosesinin ikinci hissəsi iyulun 9-dək davam edəcək. Bu müddətdə komanda üç yoxlama oyununda qüvvəsini sınayacaq.

Son xəbərlər