Neftçi"nin baş məşqçisi Elxan Abdullayev Topaz Premyer Liqanın 28-ci turunda "Qarabağ"a 1:2 hesabı uduzduqları oyundan sonra mətbuat konfransı keçirib.
Qol.az-ın məlumatına görə, o, əvvəlcə matç barədə fikirlərini bildirib.
- Bu gün çempiona qarşı oynadıq. İlk hissədə bərabər oyun getdi. Fasilədən sonra "Qarabağ” təzyiqi artırdı və qollar vurdu. Həyat davam edir. Növbəti mövsümə hazırlaşacağıq.
- Azarkeşsiz oyun xoşunuza gəldi?
- Bu mövzunu şişirtmək istəmirəm. Sözümü təkcə "Forza "Neftçi”yə deməmoşəm. Sadəcə, bəzi azarkeşlər var ki, gəlib söyüş söyürlər. Həmin azarkeşlərə nəzərdə tutmuşam.
- Qış fasiləsində komandanı pis vəziyyətdən çıxaracağınızı dediniz. Amma "Neftçi” mövsümü 7-ci pillədə tamamladı. İndi isə gələn mövsüm daha yaxşı olacağını söyləyirsiniz...
- Təəssüf ki, 7-ci pillədə bitirdik. Komandaların sayı az olsa da, çempionat maraqlı keçdi. "Qarabağ” və "Qəbələ”ni çıxmaq şərti ilə qalan komandalar eyni səviyyədə idi. Yeni mövsüm barədə danışmaq hələ tezdir. Qarşıda komandanın iclası olacaq. Ondan sonra bu barədə danışarıq. Vaxtımız çoxdur.
- Hazırkı durumunuzu karyeranızın ən pis dövrü adlandırmaq olarmı?
- Əlbəttə ki, bu fikirlə razı deyiləm. Çempion olsaydıq belə, özümdən narazı olacaqdım. "Neftçi”də öz işimin 30 faizini görmüşəm. Hələ qarşıdan daha çox vaxtımız var.
- Vəli Qasımov da ötən il komandanı avrokuboklara apara bilmədi və nəticədə göndərildi. Onunla fərqiniz nədir?
- Vəli Qasımovla özümü müqayisə etmək istəmirəm. Biz avrokuboklarda iştirak etmək üçün tam hazır olmalıyıq. Bu gün "Neftçi” Avroliqaya hazır deyil. İstəyirik ki, tam hazır olub, uğurlu nəticələr əldə edək.
- Həmişə deyirdiniz ki, mövsümün sonunda görüşərik. İndi mövsümün sonudur, buyurun...
- Söz yox, komanda uğurlu çıxış etmədi. Amma bu barədə danışmaq istəmirəm. Məni rəhbərlik tələsdirmir. Burda qalıb işimi görəcəyəm. Rəhbərlik mənə güvənir və özümü doğruldacam.
Kimsə məni sevməyə bilər. Hər kəsin öz fikri var. Fakt budur ki, "Neftçi"nin baş məşqçisiyəm. Ya dözməlisiniz, ya da vurub öldürməlisiniz.
Mənbə: sportnet.az
Aydın finala çıxdı
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu
Con Terri və Endi Koul Premyer Liqanın Şöhrət Zalında
"Bakı Sportinq" "Cəbrayıl"a belə qalib gəldi - Video
Birinci Liqada oyunların vaxtı müəyyənləşdi
Liderlərin oyununda qonaqlar qalib gəldi
Ançelottidən Ardaya şad xəbər
Tuhel bu klubla danışıq aparır
"Mançester Siti"nin Qriliş qərarı
"Bu, futbol dünyası üçün ayıbdır” - Ter Ştegen
"Bavariya" Kloppu gözləyəcək
"Real" azarkeşləri Xavini "Barselona"da qalmağa səslədilər