Milli komandamızın və Hollandiyanın “Tvente” klubunun hücumçusu Vaqif Cavadovun Qol.Az saytına müsahibəsi
- Vaqif necəsən? Zədən nə yerdədir?
- Təşəkkür edirəm. Hazırda sağalma prosesi gedir. Az qalıb, inşallah ən qısa vaxtda tam hazır olacağam.
- Artıq bir müddətdir ölkədən kənardasan. Hollandiyaya tam adaptasiya ola bilmisən?
- Mən nə qədər burda yaşasam da, yenə də özümü Bakıdakı kimi hiss edə bilməyəcəm. Düzdür, problemli bir şey yoxdur. Amma yenə də vətən başqadır.
- Bir müddət öncə valideynlərin də Hollandiyaya yollanmışdı. Geri döndülər?
- Xeyr, hələ də mənimlə birlikdə buradadırlar.
- Milli komandamızın keçirdiyi son iki yoxlama görüşləri haqda sənin də fikirlərini bilmək istərdik…
- Hər iki oyun bir-birindən fərqli idi. Xüsusilə İordaniya ilə matçın ilk hissəsində daha yaxşı oynadıq. Bizə qələbə gətirən amil də erkən qol vura bilməyimiz oldu. Ümumiyyətlə, belə komandalarla oyunda mümkün qədər hesabı tez açmaq lazımdır. Lüksemburqla ikinci oyun isə tamam fərqli oldu. Öz oyunumuzu göstərə bilmədik. Bəlkə də yorğunçuluq burda öz sözünü dedi. Buna baxmayaraq, artıq nəticələr var. Tarixdə isə oyun yox, nəticələr qalır. İnşallah, hər şey daha da yaxşılığa doğru gedəcək.
- Milli komandamıza yeni dəvət olunan Fərid Quliyev, Rauf Əliyev və Əfran İsmayılovun oyunları necə təsir bağışladı?
- Onlarda bir qədər həyəcan hiss olunurdu. Bununla bərabər, özlərini yaxşı tərəfdən göstərə bildilər. Hətta Fəridlə Əfran millinin heyətində ilk qollarını da vurdular. Həm də təkcə qol vurmaqla deyil, ümumi planda bütün komandaya xeyir verə bildilər. İnanıram ki, növbəti oyunlarda daha yaxşı çıxış edəcəklər. Hər birinə ayrı-ayrılıqda uğurlar arzulayıram.
- Azərbaycan kubokun 1/4 final mərhələsinin ilk oyununda “Qarabağ” Quzanlıda “Xəzər Lənkəran”ı məğlub etdi. Matçı izləyə bildin?
- Bəli. Yaşadığım evdə Azərbaycan telekanallarını izləmək imkanım var.
- Komandalar necə təsir bağışladı?
- Əslində çox yaxşı oyun alındı. Hər iki komanda yaxşı oyun nümayiş etdirdi. Düzdür, güclü külək oyunun daha yaxşı keçməsinə maneçilik törədirdi. Sevinirəm ki, qələbə qazanan tərəf biz olduq. Lənkərandakı səfər oyunu isə çox çətin keçəcək. Amma inanıram ki, sonda qalib yenə “Qarabağ” olacaq.
- “Tvente” son turda qələbə qazanmaqla turnir cədvəlinin zirvəsinə yüksəldi. Hollandiya çempionatının lideri olan bir klubun futbolçusu olmaq necə hissdir?
- Təbii ki, çox sevindirici və qürurverici bir haldır. Çıxıb öz komandama xeyir verə bilmək üçün mən də alışıb-yanıram. İnanıram ki, komandama xeyirim dəyəcək və çempion da məhz biz olacağıq.
- Baş məşqçi Stiv Maklaren səninlə əlaqə saxlayırmı?
- Bəli. Demək olar ki, hər gün görüşürük. Komandamızın baş həkimi hər gün Maklarenə mənim vəziyyətim haqda informasiya verir. Vəziyyətimin necə olması haqda Maklareni xəbərdar edir.
- Bütün azarkeşlər səbirsizliklə sənin “Tvente”nin heyətində meydana çıxacağın günü gözləyir. Vaqif Cavadovu nə vaxt meydanlarda görə biləcəyik?
- Çox şükür ki, artıq pis günlərim geridə qaldı. Allahın köməkliyi ilə 2-3 günə məşqlərə başlayacam. Bundan sonrasını isə zaman göstərəcək. Mən özüm də meydana çıxacağım günü hamıdan çox gözləyirəm. Amma fikrimcə, bu məsələrdə tələsmək olmaz.
- Sonda azarkeşlərə sözünü öyrənmək istərdik...
- Hər kəsə təşəkkür edirəm ki, mənimlə maraqlanırlar, məni sevirlər və mənim oyunumu gözləyirlər. İnşallah, mən də tez bir zamanda onları gözəl oyunumla sevindirməyə çalışacam.
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın